കു​ടി​യാ​ൻ​മ​ല, അ​രീ​ക്ക​മ​ല, പ്ര​ദേ​ശ​ങ്ങ​ളി​ലെ ഈറ്റ വെട്ടി കടത്താനുള്ള നീക്കം നാട്ടുകാർ തടഞ്ഞു

കു​ടി​യാ​ൻ​മ​ല, അ​രീ​ക്ക​മ​ല, പ്ര​ദേ​ശ​ങ്ങ​ളി​ലെ ഈറ്റ വെട്ടി കടത്താനുള്ള നീക്കം നാട്ടുകാർ തടഞ്ഞു 

ചെ​മ്പേ​രി:* കു​ടി​യാ​ൻ​മ​ല, അ​രീ​ക്ക​മ​ല, പ്ര​ദേ​ശ​ങ്ങ​ളി​ലെ തോ​ടു​ക​ളു​ടെ ഇ​രു​ഭാ​ഗ​ങ്ങ​ളി​ലും വ​ള​ർ​ന്നു നി​ൽ​ക്കു​ന്ന ഈ​റ്റ (ഓ​ട) അ​ന​ധി​കൃ​ത​മാ​യി കൂ​ട്ട​ത്തോ​ടെ മു​റി​ച്ചു ക​ട​ത്താ​നു​ള്ള ശ്ര​മം നാ​ട്ടു​കാ​ർ ത​ട​ഞ്ഞു. പു​റ​മേ നി​ന്നെ​ത്തി​യ സം​ഘ​മാ​ണ് ഇ​തി​ന്‍റെ പി​ന്നി​ലെ​ന്ന് ക​രു​തു​ന്നു.

ലോ​ഡ് ക​ണ​ക്കി​ന് ഇ​റ്റ​ക​ൾ കെ​ട്ടു​ക​ളാ​ക്കി ലോ​റി​യി​ൽ ക​യ​റ്റി കൊ​ണ്ടു പോ​കാ​നാ​യി റോ​ഡ​രി​കി​ൽ കൂട്ടി​യി​ട്ട​പ്പോ​ഴാ​ണ് നാ​ട്ടു​കാ​രു​ടെ ശ്ര​ദ്ധ​യി​ൽ പെ​ട്ട​ത്.

വേ​ന​ൽ​ക്കാ​ല​ങ്ങ​ളി​ൽ ഈ ​പ്ര​ദേ​ശ​ത്തെ കു​ടി​വെ​ള്ള ക്ഷാ​മം അ​തി​രൂ​ക്ഷ​മാ​കാ​തെ ഒ​രു പ​രി​ധി​വ​രെ ത​ട​യു​ന്ന​ത് തോ​ടു​ക​ളു​ടെ ക​ര​ക​ളി​ൽ സ​മൃദ്ധ​മാ​യി വ​ള​ർ​ന്നു നി​ൽ​ക്കു​ന്ന ഈ​റ്റ​ക​ളാ​ണ്.

പ്ര​കൃ​തി​യു​ടെ സ​ന്തു​ലി​താ​വ​സ്ഥ ത​ന്നെ ത​ക​ർ​ക്കു​ന്ന ഈ ​ന​ട​പ​ടി​ക്കെ​തി​രെ പ്ര​ദേ​ശ​വാ​സി​ക​ൾ ഒ​ന്ന​ട​ങ്കം രം​ഗ​ത്തി​റ​ങ്ങു​ക​യും ഈ​റ്റ മു​റി​ക്ക​ൽ നി​ർ​ത്തി വെ​പ്പി​ക്കു​ക​യും ചെ​യ്തു. മു​റി​ച്ചു കൂ​ട്ടി​യി​ട്ടി​രി​ക്കു​ന്ന ഈ​റ്റ​ക​ൾ കൊ​ണ്ടു​പോ​കാ​ൻ അ​നു​വ​ദി​ക്കു​ക​യി​ല്ലെ​ന്നും നാ​ട്ടു​കാ​ർ പ​റ​ഞ്ഞു.