CHEMPERI NEWS

കനത്ത ചൂടിൽ ജില്ലയിലെ കായ്ഫലമേറിയ തെങ്ങുകൾ കൂട്ടമായി നശിക്കുന്നു - ചങ്ക് തകർന്നു കർഷകർ  *കണ്ണൂർ:* അന്തരീക്ഷത്തിലെ കനത്ത ചൂടും, രോഗങ്ങളും കാരണം വർഷങ്ങളുടെ വളർച്ചയുള്ള കായ്ഫലമേറിയ തെങ്ങുകൾ കൂട്ടമായി നശിക്കുന്നു. വേനലിന്റെ ആരംഭത്തിൽ തന്നെ ഓലകൾക്ക് നാശം സംഭവിച്ച് ക്രമേണ തെങ്ങുകൾ ഉണങ്ങി നശിക്കുന്ന സ്ഥിതിയാണ് പലയിടങ്ങളിലും. തെങ്ങുകളുടെ നാശം നാളികേര കർഷകരുടെ ദുരിതത്തിനു കാരണമാകുകയാണ്. ജില്ലയുടെ പല ഭാഗങ്ങളിലായി കഴിഞ്ഞ വേനലിൽ നാശം സംഭവിക്കാതിരിക്കാൻ തടമെടുത്ത് രാവിലെയും വൈകിട്ടും വെള്ളം ഒഴിച്ച് പരിപാലിച്ചിരുന്ന നൂറുകണക്കിനു തെങ്ങുകൾ പൂർണമായും ഉണങ്ങി നശിച്ചിരുന്നു. അന്തരീക്ഷത്തിലെ വർധിച്ച് വരുന്ന ചൂട് പ്രതിരോധിക്കാൻ കഴിയാത്തതാണ് തെങ്ങുകൾ ഉണങ്ങി നശിക്കാൻ കാരണമെന്ന് കൃഷിവകുപ്പ് അധികൃതർ പറയുന്നു. കൂടാതെ പലതരത്തിലുള്ള കീടങ്ങൾ മൂലമുള്ള രോഗങ്ങളും തെങ്ങുകളുടെ നാശത്തിനു ഇടയാക്കുകയാണ്. നാറാത്ത്, മയ്യിൽ, കുറ്റ്യാട്ടൂർ പഞ്ചായത്തുകളിലെ ഒട്ടേറെ തോട്ടങ്ങളിലെ നൂറുകണക്കിനു തെങ്ങുകളാണ് കഴിഞ്ഞ ഏതാനും വർഷങ്ങൾക്കുള്ളിൽ നശിച്ചത്. ആയിരങ്ങളുടെ നഷ്ടമാണ് ഇതുവഴി കർഷകർക്ക് ഉണ്ടായിട്ടുള്ളത്. തെങ്ങുകളുടെ നാശം ക

പുതുവർഷരാവിലെ നിയമലംഘനം; 'പ്രത്യേക ഓഫറു'മായി കേരളാ പോലീസിന്റെ ഫേയ്സ്‍ബുക്ക് പോസ്റ്റ് നിയമം ലംഘിക്കുന്നവര്‍ക്ക് സ്റ്റേഷനില്‍ സൗജന്യപ്രവേശനം, പ്രത്യേക പരിഗണന: പുതുവര്‍ഷത്തില്‍ കേരള പൊലീസിന്റെ ഓഫര്‍                                                                                                     പുതുവര്‍ഷത്തെ വരവേല്‍ക്കാനുള്ള ആഘോഷത്തിലാണ് എല്ലാവരും. ഇന്ന് രാത്രി മുതല്‍ നേരം വെളുക്കുന്നതുവരെയും റോഡുകളിലും ബീച്ചുകളിലും ഹോട്ടലുകളിലും ഒക്കെ ആഘോഷമാണ്. പുതുവര്‍ഷം ആഘോഷിക്കുന്നവര്‍ക്ക് പ്രത്യേക ഓഫറുമായി എത്തിയിരിക്കുകയാണ് കേരള പൊലീസ്. പുതുവര്‍ഷ രാവില്‍ മദ്യപിച്ച് വാഹനമോടിക്കുകയോ ക്രമസമാധാനം ലംഘിക്കുകയോ ചെയ്താല്‍ കേരള പൊലീസ് പ്രത്യേക ഓഫര്‍ നല്‍കുന്നതാണെന്ന് ഫെയ്‌സ്ബുക്കിലൂടെ അറിയിച്ച സന്ദേശമാണ് വൈറലായിരിക്കുന്നത്.  നിയമം ലംഘിക്കുന്നവര്‍ക്ക് പൊലീസ് സ്റ്റേഷനില്‍ സൗജന്യ പ്രവേശനം, നിയമലംഘകര്‍ക്ക് പ്രത്യേക പരിഗണന എന്നിങ്ങനെയാണ് പോസ്റ്റിലുള്ളത്.  നിങ്ങളുടെ പുതുവര്‍ഷ ആഘോഷത്തില്‍ ഏതെങ്കിലും ക്ഷണിക്കപ്പെടാത്ത അതിഥി വന്നാല്‍ 112 എന്ന നമ്പറില്‍ വിളിച്ച് ഞങ്ങളെ ക്ഷണിക്കാം എന്നും പൊലീസിന്

ചെമ്പേരിയിലെ വ്യാപാരി കരേട്ട് സണ്ണി നിര്യാതനായി ആദരാജ്ഞലികൾ സണ്ണി കാരാട്ട് (63) ചെമ്പേരി സംസ്കാര ശുശ്രൂഷ നാളെ 01. 01. 2024 തിങ്കളാഴ്‌ച വൈകുന്നേരം 4 മണിക്ക് ചെമ്പേരി ലൂർദ്‌മാതാ ഫൊറോന ദൈവാലയത്തിൽ

പുതുവത്സരാഘോഷങ്ങളിൽ ശ്രദ്ധവേണം; കൊവിഡ് കേസുകൾ ഉയരാൻ സാധ്യത *കണ്ണൂർ:* പുതുവത്സരാഘോഷങ്ങൾ കഴിയുന്നതോടെ സംസ്ഥാനത്ത് കൊവിഡ് കേസുകളിൽ വർധനയുണ്ടായേക്കാം എന്ന് കണക്ക് കൂട്ടൽ. കൂടുതൽ ജാഗ്രത വേണമെന്ന് ആരോഗ്യവകുപ്പ് അറിയിച്ചു. ആഘോഷവേളകളിൽ മാസ്ക് നിർബന്ധമാക്കണമെന്നും നിർദേശം. രാജ്യത്ത് സ്ഥിരീകരിക്കുന്ന രോഗികളുടെ എണ്ണത്തിന്റെ പകുതിയോ അതിനടുത്തൊ രോഗികൾ കേരളത്തിലാണ്. ദിനം പ്രതി കൊവിഡ് കേസുകളിൽ വലിയ വർധനയാണ് ഉണ്ടാകുന്നത്. ഇതിനൊപ്പം ആഘോഷ സീസൺ കഴിയുന്നതോടെ സംസ്ഥാനത്തെ കൊവിഡ് കണക്കുകളിൽ ഇനിയും വർധനയുണ്ടായേക്കാം എന്ന കണക്ക് കൂട്ടലിലാണ് ആരോഗ്യവകുപ്പ്. കൊവിഡ് വകഭേദങ്ങളായ, വ്യാപനതോത് കൂടിയ ഒമിക്രോണും ജെ എൻ വണ്ണും ഉയരുന്ന സാഹചര്യത്തിൽ അതീവ ജാഗ്രത പുലർത്തണമെന്നാണ് ആരോഗ്യവകുപ്പിന്റെ നിർദേശം. ആഘോഷം കഴിയുമ്പോള്‍ രോഗബാധിതരുടെ എണ്ണമുയരാതിരിക്കാൻ ശ്രദ്ധവേണം. ആളുകൾ ഒത്തുകൂടുന്ന ഇടങ്ങളിൽ മാസ്ക് നിർബന്ധമാക്കണമെന്നും നിർദേശമുണ്ട്. കർണാടകയിൽ കൊവിഡ് സ്ഥിരീകരിച്ചാൽ ഏഴ് ദിവസത്തെ ഐസൊലേഷനും നിർബന്ധമാക്കിയിട്ടുണ്ട്. അതിനിടെ ഒമിക്രോൺ, ജെ എൻ വൻ വാകഭേദത്തിന്റെ വ്യാപനം ഉയരുന്നതും ആശങ്കയുണ്ടാക്കുന്നു.

കർഷകർക്ക് ആശ്വാസം ❗കർഷകരുടെ സൗജന്യ വൈദ്യുതി വിച്ഛേദിക്കില്ല    സംസ്ഥാനത്തിന്‌ പുറത്ത് നിന്ന്‌ വൈദ്യുതി വാങ്ങുന്ന ദീർഘകാല കരാർ പുന:സ്ഥാപിക്കാൻ വൈദ്യുതി റഗുലേറ്ററി കമ്മീഷന്റെ ഉത്തരവ്‌. മൂന്ന്‌ കമ്പനികളിൽ നിന്നായി യൂണിറ്റിന് 4.29 രൂപയ്‌ക്ക്‌ 465 മെഗാവാട്ട് വൈദ്യുതി വാങ്ങാൻ 2014ൽ ഒപ്പിട്ട കരാറാണ്‌ തുടരാൻ തീരുമാനിച്ചത്‌. 25 വർഷത്തേക്ക്‌ ഒപ്പിട്ട കരാർ റഗുലേറ്ററി കമ്മീഷൻ സാങ്കേതിക കാരണങ്ങളാൽ മേയിൽ റദ്ദാക്കിയിരുന്നു. ഇതോടെ സംസ്ഥാനം പ്രതിസന്ധിയിലായി. പുതിയ ടെൻഡറുകളിൽ റദ്ദാക്കിയ കരാറിലേതിനെക്കാൾ ഉയർന്ന നിരക്കിൽ വൈദ്യുതി വാങ്ങേണ്ടി വന്നു. ഇതോടെ റദ്ദാക്കിയ ഉത്തരവ് പുന:പരിശോധിക്കാൻ റഗുലേറ്ററി കമീഷനോട് സർക്കാർ ആവശ്യപ്പെടുക ആയിരുന്നു.

നാളെ (31/12/2023) രാത്രി 8 മണി മുതല്‍ ജനുവരി ഒന്ന് പുലര്‍ച്ചെ 6 വരെ പെട്രോള്‍ പമ്പുകൾ അടച്ചിടും തിരുവനന്തപുരം: നാളെ രാത്രി 8 മണി മുതല്‍ ജനുവരി ഒന്ന് പുലര്‍ച്ചെ 6 വരെ പെട്രോള്‍ പമ്പുകൾ അടച്ചിടും. പമ്പുകൾക്ക് നേരെ നടക്കുന്ന ഗുണ്ടാ ആക്രമണങ്ങളില്‍ പ്രതിഷേധിച്ചാണ് പണിമുടക്കുന്നതെന്ന് ഓള്‍ കേരള ഫെഡറേഷൻ ഓഫ് പെട്രോളിയം ട്രൈഡേഴ്‌സ് ഭാരവാഹികള്‍ അറിയിച്ചു. സര്‍ക്കാര്‍ നടപടിയെടുത്തില്ലെങ്കില്‍ മാര്‍ച്ച്‌ മുതല്‍ രാത്രി 10 മണിവരെ മാത്രമേ പമ്പുകൾ പ്രവർത്തനം നടത്താൻ ആണ് തീരുമാനം  ആശുപത്രികളില്‍ ആക്രമണം നടന്നതിനെ തുടര്‍ന്ന് ജീവനക്കാരെ സംരക്ഷിക്കാനായി സര്‍ക്കാര്‍ നിയമ നിര്‍മ്മാണം നടത്തിയതുപോലെ പമ്ബുകളെ സംരക്ഷിക്കാനും നിയമ നിര്‍മ്മാണം നടത്തണമെന്നാണ് സംഘടനയുടെ ആവശ്യം. പമ്ബുകളില്‍ ഗുണ്ടാ ആക്രമണവും മോഷണവും പതിവാണെന്ന് സംഘടന പറയുന്നു.

2023 ഡിസംബർ 29 30 31 (വെള്ളി, ശനി, ഞായർ) സ്നേഹമുള്ളവരേ, ചെമ്പേരി പുറഞ്ഞാൺ കുരിശുപള്ളിയിൽ ഉണ്ണിമിശിഹായുടെ തിരുനാൾ 2023 ഡിസംബർ 29,30,31 വെള്ളി, ശനി, ഞായർ തിയ്യതികളിൽ ഭക്തിനിർഭരമായി ആഘോഷിക്കുകയാണ്. ദൈവം നൽകിയ അനുഗ്രഹങ്ങൾക്ക് നന്ദി പറയുവാനും ആത്മവിശുദ്ധീകരണത്തിലൂടെ ഉണ്ണിമിശിഹായുടെ അനുഗ്രഹങ്ങൾ പ്രാപിക്കുവാനും ഏവരെയും സ്നേഹപൂർവം ക്ഷണിക്കുന്നു.

What's App Status Challenge 2023വിജയികൾ  നൂറുകണക്കിന് ആൾക്കാർ മത്സരത്തിൽ പങ്കെടുത്തു സഹകരണത്തിന് നന്ദി

പുതുവത്സര സമ്മാനം; ഇന്ധനവില കുറക്കുന്നതിൽ ഇന്ന് തീരുമാനം രാജ്യത്തെ പെട്രോൾ ഡീസൽ വില കുറയ്ക്കുന്നത് സംബന്ധിച്ചുള്ള നിർണായക പ്രഖ്യാപനം ഉടൻ ഉണ്ടാകും. ലോക്സഭ തിരഞ്ഞെടുപ്പിന്റെ പശ്ചാത്തലത്തിൽ ഇന്ധനവില കുറയ്ക്കണമെന്ന ആവശ്യം പാർട്ടി നേതൃയോഗത്തിൽ ഉയർന്നിരുന്നു. പുതുവത്സര സമ്മാനം എന്ന നിലയിൽ ഇന്ധന വില കുറയ്ക്കാനാണ് ആലോചിക്കുന്നത്. ഇതിനായി പെട്രോളിയം മന്ത്രാലയം ഇന്ധന വിതരണ കമ്പനികൾക്കുമേൽ സമ്മർദ്ദം ശക്തമാക്കിയിരുന്നു. പെട്രോളിനും ഡീസലിനും ലിറ്ററിന് 8 രൂപ മുതൽ 10 രൂപ വരെ കുറയ്ക്കാനാണ് ആലോചന. ഇത് സംബന്ധിച്ച പെട്രോളിയം മന്ത്രാലയത്തിന്റെ ശുപാർശ പ്രധാനമന്ത്രിയുടെ ഓഫീസിൽ എത്തിയതായിയാണ് റിപ്പോർട്ടുകൾ. പ്രധാനമന്ത്രിയുടെ ഓഫീസിൻ്റെ അംഗീകാരം ലഭിച്ചാൽ ഉടൻ പ്രഖ്യാപനം ഉണ്ടാകും. ▪️

കര്‍ഷകര്‍ക്ക് ആശ്വാസം; കൊപ്രയുടെ താങ്ങുവില വര്‍ധിപ്പിച്ചു *കണ്ണൂർ :* കൊപ്രയുടെ താങ്ങുവില വര്‍ധിപ്പിക്കാന്‍ കേന്ദ്ര മന്ത്രിസഭായോഗം തീരുമാനിച്ചു. 2024 സീസണില്‍ മില്‍ കൊപ്രയ്ക്ക് ക്വിന്റലിന് 300 രൂപ കൂട്ടി 11,160 രൂപയും (നിലവില്‍ 10,860 രൂപ) ഉണ്ടക്കൊപ്രയ്ക്ക് 250 രൂപ കൂട്ടി 12,000 രൂപയുമാക്കാനാണ് തീരുമാനം.  എന്നാല്‍ കഴിഞ്ഞ സീസണെ അപേക്ഷിച്ച് ഉണ്ടക്കൊപ്രയുടെ താങ്ങുവിലയില്‍ വരുത്തിയ വര്‍ധന കുറവാണ്. കഴിഞ്ഞ സീസണില്‍ ക്വിന്റലിന് 750 രൂപയാണ് വര്‍ധിപ്പിച്ചത്. ഇത്തവണ വര്‍ധന 250 രൂപ മാത്രമാണ്. അതേസമയം മില്‍ ക്രൊപ്രയില്‍ വര്‍ധനയുണ്ട്. ഇത്തവണ ക്വിന്റലിന് 30 രൂപയാണ് വര്‍ധിച്ചത്. നടപ്പുകാലയളവില്‍ 1493 കോടി രൂപ ചെലവില്‍ 1.33 ലക്ഷം ടണ്‍ കൊപ്രയാണ് സംഭരിച്ചത്. നാഫെഡും എന്‍സിസിഎഫും സംഭരണത്തിനുള്ള നോഡല്‍ ഏജന്‍സികളായി തുടര്‍ന്നും പ്രവര്‍ത്തിക്കും. കേന്ദ്ര തീരുമാനത്തിന്റെ വിശദാംശങ്ങള്‍ പരിശോധിച്ച ശേഷമാകും ഇതു സംബന്ധിച്ച് തുടര്‍നടപടിയെടുക്കുകയെന്നും വിവരങ്ങള്‍ കൈമാറാന്‍ ആവശ്യപ്പെട്ടിട്ടുണ്ടെന്നും കൃഷിമന്ത്രി പി പ്രസാദ് പറഞ്ഞു.

*പുക പരിശോധനയിൽ ഇനി തട്ടിപ്പ് നടക്കില്ല, എട്ടിന്‍റെ പണിയുമായി കേന്ദ്രം; എല്ലാ വാഹനങ്ങൾക്കും ബാധകം* *ദില്ലി:* മലിനീകരണ നിയന്ത്രണത്തില്‍ ശക്തമായ നയം നടപ്പിലാക്കാനൊരുങ്ങി കേന്ദ്രസര്‍ക്കാര്‍. ഇനി വാഹനങ്ങളുടെ പുക പരിശോധന നടത്തിയാല്‍ മാത്രം പോര, പരിശോധനയുടെ വീഡിയോ ചിത്രീകരിക്കുകയും വേണമെന്ന് കേന്ദ്രം. പുക പരിശോധന നടത്തുന്ന വീഡിയോ വെറുതെ ചിത്രീകരിച്ചാല്‍ മാത്രം പോര, സര്‍ട്ടിഫിക്കറ്റ് ലഭിക്കുന്നതിന് മുമ്പ് വീഡിയോ സര്‍ക്കാരിന്റെ പരിവാഹന്‍ പോര്‍ട്ടലില്‍ അപ് ലോഡ് ചെയ്യണമെന്നാണ് നിർദ്ദേശം. രാജ്യത്തെ എല്ലാ വാഹനങ്ങള്‍ക്കും ഇത് ബാധകമാണ്.  ചില പുക പശോധന കേന്ദ്രങ്ങള്‍ വാഹനം പരിശോധിക്കുക പോലും ചെയ്യാതെ സര്‍ട്ടിഫിക്കറ്റ് നല്‍കുന്നതായി വ്യപകമായി പരാതികള്‍ ഉയര്‍ന്ന സാഹചര്യത്തിലാണ് സര്‍ക്കാരിന്റെ നടപടി. തട്ടിപ്പുകള്‍ തടയുകയും പരിശോധനകളിലെ കൃത്യതയും ഉറപ്പുവരുത്തുനാണ് സര്‍ക്കാര്‍ ഇതിലൂടെ ലക്ഷ്യമിടുന്നത്. ഇന്ത്യയില്‍ ഉയര്‍ന്നു വരുന്ന മലിനീകരണം നിയന്ത്രണ വിധേയമാക്കാന്‍ വേണ്ടിയാണ് സര്‍ക്കാര്‍ പുതിയ നിയമം കൊണ്ടുവരുന്നത്. ഒരോ വര്‍ഷവും ഇന്ത്യന്‍ നിരത്തില്‍ എത്തുന്ന വാഹനങ്ങളുടെ എണ്ണം വലിയ തോതിലാണ് വര്‍ധ

കെബി ഗണേഷ് കുമാറും കടന്നപ്പള്ളി രാമചന്ദ്രനും ഇന്ന് അധികാരമേല്‍ക്കും; സത്യപ്രതിജ്ഞ വൈകീട്ട് 4 ന്                                                                                                    കെബി ഗണേഷ് കുമാറും കടന്നപ്പള്ളി രാമചന്ദ്രനും ഇന്ന് മന്ത്രിമാരായി സത്യപ്രതിജ്ഞ ചെയ്യും. വൈകിട്ട് 4 ന് രാജ്ഭവനിലാണ് സത്യപ്രതിജ്ഞാ ചടങ്ങ്. എല്‍ഡിഎഫിലെ മുൻധാരണ പ്രകാരമാണ് രണ്ടര വര്‍ഷത്തിനു ശേഷമുള്ള മന്ത്രിസഭയിലെ അഴിച്ചുപണി. ഗണേഷ് കുമാറിനെ ഗതാഗതവും കടന്നപ്പള്ളിക്ക് തുറമുഖ വകുപ്പുമാണ് ലഭിക്കുക. ഗണേഷ് കുമാറിന് സിനിമാ വകുപ്പ് കൂടി ലഭിക്കണമെന്ന് കേരള കോണ്‍ഗ്രസ് ബി ചോദിച്ചിരുന്നു. ഇക്കാര്യത്തില്‍ അന്തിമ തീരുമാനം ഇന്നുണ്ടാകും. ഇന്ന് രാവിലെ ചേരുന്ന സിപിഎം സംസ്ഥാന സെക്രട്ടറിയേറ്റ് ഈ വിഷയവും കൂടി ചര്‍ച്ച ചെയ്യാൻ സാധ്യതയുണ്ട്. പ്രധാനമന്ത്രി വിളിച്ച ചീഫ് സെക്രട്ടറിമാരുടെ യോഗം ഉള്ളതിനാല്‍ ചീഫ് സെക്രട്ടറി വി വേണു ചടങ്ങിന് എത്തില്ല. പകരം അഡീഷണല്‍ ചീഫ് സെക്രട്ടറി ശാരദ മുരളീധരനാണ് പങ്കെടുക്കുക. 

വൈദ്യുതി സർചാർജ് 16 പൈസ ആക്കണമെന്ന് കെഎസ്ഇബി...  തിരുവനന്തപുരം : കഴിഞ്ഞ ജനുവരി മുതൽ മാർച്ച് വരെ പുറത്തു നിന്നു വൈദ്യുതി വാങ്ങിയതു മൂലമുണ്ടായ അധികച്ചെലവ് നികത്തുന്നതിന് നിലവിലുള്ള 9 പൈസയുടെ സ്ഥാനത്ത് യൂണിറ്റിന് 16 പൈസ സർചാർജ് ചുമത്തണമെന്നു റഗുലേറ്ററി കമ്മിഷൻ നടത്തിയ തെളിവെടുപ്പിൽ വൈദ്യുതി ബോർഡ് ആവശ്യപ്പെട്ടു.  നിലവിൽ യൂണിറ്റിന് 19 പൈസയാണ് സർചാർജ്. ഇതിൽ 10 പൈസ ബോർഡ് സ്വയം ഈടാക്കുന്നതും 9 പൈസ കമ്മിഷൻ അനുവദിച്ചതുമാണ്. യഥാർഥ ചെലവിന്റെ പകുതി മാത്രമേ 10 പൈസ പിരിക്കുന്നതിലൂടെ ലഭിക്കുന്നുള്ളൂ എന്നും ഈ പരിധി ഉയർത്തണമെന്നും ബോർഡ് ആവശ്യപ്പെട്ടു. ജനുവരി 1 മുതൽ മാർച്ച് 31 വരെ പുറത്തു നിന്നു വൈദ്യുതി വാങ്ങാൻ 92 കോടി രൂപയുടെ അധികച്ചെലവ് ഉണ്ടായെന്ന് ബോർഡ് അറിയിച്ചു. മാർച്ചിനു ശേഷമുള്ള അധികച്ചെലവ് സ്വമേധയാ പിരിച്ചെടുക്കാൻ ബോർഡിന് അധികാരമുണ്ട്. എന്നാൽ ഇത് 10 പൈസയിൽ കൂടരുത് എന്ന് റഗുലേറ്ററി കമ്മിഷൻ പരിധി നിശ്ചയിച്ചിരുന്നു.  ഈ സാഹചര്യത്തിലാണ് നേരത്തേ കമ്മിഷൻ അനുവദിച്ച 9 പൈസയും ഈ 10 പൈസയും ചേർത്ത് 19 പൈസ സർചാർജ് പിരിക്കുന്നത്. 10 പൈസ വീതം ഈടാക്കിയാൽ യഥാർഥ ചെലവ് അടുത്ത കാലത്തെങ്ങും പിരിഞ്ഞു കിട്ട

പുറഞ്ഞാൺ കുരിശുപള്ളിയിൽ തിരുനാൾ ആഘോഷം 2023 ഡിസംബർ 29 30 31 (വെള്ളി, ശനി, ഞായർ) സ്നേഹമുള്ളവരേ, ചെമ്പേരി പുറഞ്ഞാൺ കുരിശുപള്ളിയിൽ ഉണ്ണിമിശിഹായുടെ തിരുനാൾ 2023 ഡിസംബർ 29,30,31 വെള്ളി, ശനി, ഞായർ തിയ്യതികളിൽ ഭക്തിനിർഭരമായി ആഘോഷിക്കുകയാണ്. ദൈവം നൽകിയ അനുഗ്രഹങ്ങൾക്ക് നന്ദി പറയുവാനും ആത്മവിശുദ്ധീകരണത്തിലൂടെ ഉണ്ണിമിശിഹായുടെ അനുഗ്രഹങ്ങൾ പ്രാപിക്കുവാനും ഏവരെയും സ്നേഹപൂർവം ക്ഷണിക്കുന്നു.

വിദ്യാർഥികൾക്ക് താൽക്കാലിക റസിഡൻസ് പെർമിറ്റ്: ഇന്ത്യ–ഇറ്റലി ധാരണാപത്രമായി... ന്യൂഡൽഹി ∙ ഇറ്റലിയിൽ ഇന്ത്യൻ വിദ്യാർഥികൾക്ക് ഒരു വർഷം വരെ താൽക്കാലിക റസിഡൻസ് പെർമിറ്റ്...നൽകുന്ന ഇന്ത്യ– ഇറ്റലി ധാരണാപത്രത്തിന് കേന്ദ്രമന്ത്രിസഭാ യോഗം അംഗീകാരം നൽകി...പഠനശേഷം പ്രഫഷനൽ പരിചയം നേടാനാണ് ഇതു നൽകുന്നത്. വിദേശകാര്യമന്ത്രി എസ്.ജയശങ്കറും... ഇറ്റാലിയൻ വിദേശകാര്യമന്ത്രി അന്റോണിയോ തജാനിയും തമ്മിൽ കഴിഞ്ഞ മാസമാണ് ധാരണാപത്രം ഒപ്പിട്ടത്. ..കരാറിലെ മറ്റു വ്യവസ്ഥകൾ പ്രകാരം വിദ്യാർഥികൾ, ബിസിനസുകാർ, വിദഗ്ധ തൊഴിലാളികൾ, പ്രഫഷനലുകൾ എന്നിവർക്ക്... അതിവേഗ യാത്രാ സൗകര്യങ്ങൾ ഏർപ്പെടുത്തും. ഇറ്റലിയിൽ പഠനം പൂർത്തിയാക്കിയ ശേഷം തൊഴിൽപരിചയം നേടാനാഗ്രഹിക്കുന്നവിദ്യാർഥികൾക്കാണ് കരാർ ഏറെ ഉപകാരപ്പെടുക. തൊഴിലാളികൾക്ക് ആറായിരത്തോളം അവസരങ്ങൾ, നോൺ സീസണൽ തൊഴിലുകൾക്ക്‌ 7000 അവസരങ്ങൾ എന്നിവ അടുത്ത 2 വർഷത്തേക്ക് ഇറ്റലി ഒരുക്കും. ആരോഗ്യരംഗത്ത് ഇന്ത്യൻ പ്രഫഷനലുകൾക്കും അവസരമുണ്ടായിരിക്കും... https://www.manoramaonline.com/education/education-news/2023/12/28/new-india-italy-agreement-opens-doors-for-indian-students.html?fbclid=I

മണ്ഡളത്തെ ആദ്യകാല കുടിയേറ്റ കർഷകൻ *പേണ്ടാനത്തു മാണി, S/O ഉലഹന്നാൻ പേണ്ടാനത്ത് (93)* നിര്യാതനായി. പരേതൻ കള്ളിക്കാട്ട് കൊച്ചു പറമ്പിൽ കുടുംബ ശാഖയിൽ പെട്ടതാണ്. നാളെ (29/12/2023) വെള്ളിയാഴ്ച വൈകിട്ട് 4 മണിക്ക് ഭൗതിക ശരീരം വീട്ടിലെത്തിക്കും. 30/12/2023 ശനിയാഴ്ച വൈകിട്ട് 4.30 ന് സ്വവസതിയിൽ മൃതസംസ്കാര ചടങ്ങുകൾ ആരംഭിക്കുന്നതും തുടർന്ന് മണ്ഡളം സെന്റ് ജൂഡ് പള്ളി സെമിത്തേരിയിൽ ശുശ്രൂഷകൾ നടത്തുന്നതുമാണ്

ചെന്നൈ: പ്രശസ്ത തമിഴ് നടനും ഡി.എം.ഡി.കെ നേതാവുമായ വിജയകാന്ത് (71) അന്തരിച്ചു. ചെന്നൈയിൽ വ്യാഴാഴ്ച രാവിലെയായിരുന്നു അന്ത്യം. അസുഖബാധിതനായിരുന്ന വിജയകാന്ത് കഴിഞ്ഞ കുറച്ചുകാലമായി ചികിത്സയിലായിരുന്നു. കഴിഞ്ഞ ദിവസം ചെന്നൈയിലെ സ്വകാര്യ ആശുപത്രിയിൽ പ്രവേശിപ്പിച്ച അദ്ദേഹത്തിന് ഇന്ന് കോവിഡ് സ്ഥിരീകരിച്ചിരുന്നു. ആരോഗ്യനില ഗുരുതരമായതോടെ വെന്റിലേറ്ററിലേക്ക് മാറ്റുകയായിരുന്നു. കുറച്ചുവര്‍ഷമായി പാര്‍ട്ടിപ്രവര്‍ത്തനത്തില്‍ സജീവമല്ലാതിരുന്ന വിജയകാന്ത് കഴിഞ്ഞ നിയമസഭാ തിരഞ്ഞെടുപ്പിലും പ്രചാരണത്തിന് ഇറങ്ങിയിരുന്നില്ല. വിജയകാന്തിന്റെ അഭാവത്തില്‍ ഭാര്യ പ്രേമലതയാണ് പാര്‍ട്ടിയെ നയിക്കുന്നത്. ലോക്സഭാ തിരഞ്ഞെടുപ്പിലെ സഖ്യം സംബന്ധിച്ച് ചര്‍ച്ചകള്‍ നടക്കുന്നതിനിടെയാണ് വിയോഗം. 1952 ആഗസ്റ്റ് 25-ന് തമിഴ്‌നാട്ടിലെ മധുരൈയിലായിരുന്നു വിജയകാന്തിന്റെ ജനനം. വിജയരാജ് അളകര്‍സ്വാമി എന്നാണ് യഥാര്‍ത്ഥ പേര്. കരിയറിലുടനീളം തമിഴ് സിനിമയില്‍ മാത്രം ശ്രദ്ധകേന്ദ്രീകരിച്ച ചുരുക്കം നടന്മാരിലൊരാളായിരുന്നു വിജയകാന്ത്. പുരട്ചി കലൈഞ്ജര്‍ എന്നും ക്യാപ്റ്റൻ എന്നുമാണ് ആരാധകര്‍ക്കിടയില്‍ അദ്ദേഹം അറിയപ്പെട്ടിരുന്നത്. എം.എ. കാജാ

**സിജു വിൽസൻ* ........................................  *നായകനാകുന്ന പുതിയ* *ചിത്രം* *ആരംഭിച്ചു.* .............................................. സിജുവിൽസൻ നായകനാകുന്ന പുതിയ ചിത്രത്തിൻ്റെ ചിത്രീകരണം ഡിസംബർ ഇരുപത്തിയേഴ് ബുനാഴ്ച്ച കണ്ണൂരിൽ ആരംഭിച്ചു. നഹഗതനായ ഉല്ലാസ് കൃഷ്ണ,യാണ് ഈ ചിത്രം സംവിധാനം ചെയ്യുന്നത്. എം.പത്മകുമാർ, മേജർ രവി.ശ്രീകുമാർ മേനോൻ ,സമുദ്രക്കനി എന്നിവർക്കൊപ്പം പ്രധാന സഹായിയായി പ്രവർത്തിച്ചു കൊണ്ടാണ് ഉല്ലാസ് കൃഷ്ണ ഇപ്പോൾ സ്വതന്ത്ര സംവിധായകനാകുന്നത്. ടൊവിനോ തോമസ് പ്രൊക്ഷൻസ് അവതരിപ്പിക്കുന്ന ഈ ചിത്രം റിയോണ റോണ പ്രൊഡക്ഷൻസിൻ്റെ ബാനറിൽ ജോൺ കുടിയാൻമല, സജ്മനിസാം, .ബാബുപ്രസാദ്, ബിബിൻ ജോഷ്വാ എന്നിവരാണ്,നിർമ്മിക്കുന്നത്. എക്സിക്കുട്ടീവ് പ്രൊഡ്യൂസർ - അഭിലാഷ് അർജനൻ. തളിപ്പറമ്പ് ഹൊറൈസൺ ഇൻ്റെർനാഷണൽ ഹോട്ടലിൽ നടന്ന ലളിതമായ ചടങ്ങിൽ പ്രശസ്ത സംവിധായകൻ എം.പത്മകുമാർ സ്വിച്ചോൺ കർമ്മവും  സി.പി.എം.സംസ്ഥാന  സെക്രട്ടറി എം.വി.ഗോവിന്ദൻ മാസ്റ്റർ ഫസ്റ്റ് ക്ലാപ്പും നൽകിക്കൊണ്ടായിരുന്നു തുടക്കം. നേരത്തേ എം.വി.ഗോവിന്ദൻ മാസ്റ്റർ, എം.പത്മകുമാർ, എം.രാജൻ തളിപ്പറമ്പ് , നിർമ്മാതാക്കൾ അണിയറ പ്രവർത്തകർ

ഡൽഹി:ഫ്രാൻസിസ് മാർപാപ്പ രണ്ടുവർഷത്തിനകം ഇന്ത്യയിലെത്തുമെന്ന് പ്രധാനമന്ത്രി നരേന്ദ്രമോദി.  2024 മധ്യത്തിലോ 2025 ആദ്യമോ ഇന്ത്യയിലെത്തുമെന്നാണ് അദ്ദേഹം പറഞ്ഞത്. കേരളത്തിലും മാർപാപ്പ സന്ദർശനം നടത്തുമെന്നും പ്രധാനമന്ത്രി പറഞ്ഞു. പ്രധാനമന്ത്രിയുടെ വസതിയിൽ ഒരുക്കിയ ക്രിസ്മസ് വിരുന്നിലാണ് ഇക്കാര്യം വ്യക്തമാക്കിയത്. യേശു ഉയർത്തിയ മൂല്യങ്ങളും ജീവത്യാഗങ്ങളും ഓർക്കേണ്ട ദിനമാണെന്ന് പ്രധാനമന്ത്രി പറഞ്ഞു. യേശു കരുണയുടെയും സ്നേഹത്തിന്‍റെയും പാത കാണിച്ചു തന്നു. ഈ മൂല്യങ്ങള്‍ രാജ്യത്തിന്‍റെ വളർച്ചയ്ക്ക് വെളിച്ചമാകുന്നുവെന്നും അദ്ദേഹം പറഞ്ഞു. ക്രൈസ്തവ സമൂഹം രാജ്യത്തിന് നൽകുന്ന സംഭവനകള്‍ക്ക് നന്ദി പറഞ്ഞ പ്രധാനമന്ത്രി രാജ്യത്തെ തുടർന്നുള്ള വികസനങ്ങള്‍ക്ക് ക്രിസ്ത്യൻ സഭകളുടെ പിന്തുണയും തേടി. മതമേലധ്യക്ഷരും ക്രൈസ്തവ സഭയിലെ പ്രമുഖരും സാമൂഹ്യ സാംസ്കാരിക രംഗത്തെ പ്രമുഖരും വിരുന്നിൽ പങ്കെടുത്തു. പ്രധാനമന്ത്രിയുടെ വസതിയിൽ ആദ്യമായാണ് ഇത്തരമൊരു ചടങ്ങ് സംഘടിപ്പിച്ചത്. വിരുന്നിൽ രാഷ്ട്രീയം ചർച്ചയായില്ലെന്ന് സഭാ പ്രതിനിധികൾ പറഞ്ഞു. മണിപ്പൂർ വിഷയവും ചർച്ചയായില്ലെന്ന് സഭാ പ്രതിനിധികൾ വ്യക്തമാക്കി. ചടങ്ങിൽ കാ

                                                                                                    പ്രശസ്ത സിനിമാ സംവിധായകനും നടനുമായ മേജർ രവിയെ ബിജെപി സംസ്ഥാന ഉപാദ്ധ്യക്ഷനായി സംസ്ഥാന അദ്ധ്യക്ഷൻ കെ സുരേന്ദ്രൻ നാമനിർദേശം ചെയ്തു. കണ്ണൂരിൽ നിന്നുള്ള നേതാവ് സി രഘുനാഥിനെ ദേശീയ കൗൺസിലിലേക്കും കെ സുരേന്ദ്രൻ നാമനിർദേശം ചെയ്തു.  ധർമ്മടത്ത് പിണറായി വിജയനെതിരെ മത്സരിച്ച കോൺഗ്രസിൻ്റെ മുതിർന്ന നേതാവായ സി.രഘുനാഥും മേജർ രവിയും കഴിഞ്ഞ ദിവസം ന്യൂഡൽഹിൽ വെച്ചാണ് ബിജെപിയിൽ ചേർന്നത്. ദേശീയ അദ്ധ്യക്ഷൻ ജെ പി നദ്ദയാണ് ഇരുവർക്കും പാർട്ടി അംഗത്വം നൽകിയത്.

മുഖ്യമന്ത്രിയും മന്ത്രിമാരും സഞ്ചരിച്ച നവകേരള ബസിൻ്റെ ഭാവി തീരുമാനമായി. ആദ്യം ബസ് തലസ്ഥാനത്തുൾപ്പെടെ പൊതുജനങ്ങൾക്കായി പ്രദർശിപ്പിക്കും. പിന്നീട് വാടകയ്ക്ക് നൽകും. വിവാഹം, വിനോദം, തീർഥാടനം തുടങ്ങിയ ആവശ്യങ്ങൾക്ക് നവകേരള ബസ് വാടകയ്ക്ക് ലഭിക്കും. കെ.എസ്.ആർ.ടി.സി.യുടെ പേരിലാണ് ബസ് വാങ്ങിയിട്ടുള്ളത്. കെ.എസ്.ആർ.ടി.സി.ക്കാകും പരിപാലനച്ചുമതല. വാടക തീരുമാനിച്ചിട്ടില്ലെങ്കിലും സ്വകാര്യ ആഡംബര ടൂറിസ്റ്റ് ബസുകളെക്കാൾ കുറവായിരിക്കും. ദിവസം എണ്ണായിരം രൂപവരെ ഈടാക്കാമെന്ന് ചർച്ചവന്നിട്ടുണ്ട്. നവകേരള സദസ്സിൻ്റെ എറണാകുളത്തെ പര്യടനംകൂടി പൂർത്തിയായശേഷമാകും ബസ് കെ.എസ്.ആർ.ടി.സി.ക്ക് വിട്ടുകൊടുക്കുക. ഇതിനുശേഷം പുതിയ മന്ത്രി കാര്യങ്ങൾ വിശദീകരിക്കും. കെ.എസ്.ആർ.ടി.സി.യുടെ ബജറ്റ് ടൂറിസം വിഭാഗത്തിന് ബസ് കൈമാറാനാണ് സാധ്യത. 25 പേർക്കുള്ള ഇരിപ്പിടമാണ് ബസിലുള്ളത്. ശുചിമുറിയുള്ള ബസുകൾ സംസ്ഥാനത്ത് കുറവാണ്. ഇതിനകം എഴുന്നൂറിലധികംപേർ പേർ ബസ് വാടകയ്ക്ക് ലഭ്യമാകുമോ എന്നുചോദിച്ച് കെ.എസ്.ആർ.ടി.സി. അധികൃതരെ ബന്ധപ്പെട്ടിട്ടുണ്ട്. 1.15 കോടി മുടക്കിയാണ് ഭാരത് ബെൻസിന്റെ ബസ് വാങ്ങിയത്.

തിരുവനന്തപുരം: സംസ്ഥാനത്ത് ക്രിസ്മസ് ആഘോഷവേളയില്‍ റെക്കോഡ് മദ്യവില്‍പ്പന. മൂന്ന് ദിവസം കൊണ്ട് ബെവ്‌കോ ഔട്ട്‌ലെറ്റ് വഴി മാത്രം  154.77 കോടിയുടെ മദ്യമാണ് വിറ്റത്. ക്രിസ്മസ് തലേന്നായ ഞായറാഴ്ച ഔട്ട്‌ലെറ്റ് വഴി മാത്രം 70.73 കോടി രൂപയുടെ മദ്യവില്‍പ്പന നടന്നു. കഴിഞ്ഞ വര്‍ഷം ക്രിസ്മസ് തലേന്ന് 69.55 കോടിയുടെ മദ്യമാണ് വിറ്റിരുന്നത്. 22 മുതൽ 24 വരെ മദ്യ വിൽപ്പന കണക്കിലും ഇത്തവണ വര്‍ദ്ധനയുണ്ട്. ഡിസംബര്‍ 22 ന് 75.70 കോടി രൂപയുടെ മദ്യവില്‍പ്പനയാണ് ഈ വര്‍ഷം നടന്നത്. കഴിഞ്ഞ വര്‍ഷം ഡിസംബര്‍ 22 ന് 65.39 കോടി രൂപയുടെ മദ്യമാണ് വിറ്റിരുന്നത്. ഡിസംബർ 23 ന് ഈ വര്‍ഷം 84.04 കോടി രൂപ മദ്യവില്‍പ്പന നടന്നു. കഴിഞ്ഞ വർഷം ഇതേ ദിവസം 75.41 കോടി രൂപ മദ്യവില്‍പ്പനയാണ് നടന്നത്. ക്രിസ്മസ് തലേന്ന് റെക്കോർഡ് വിൽപ്പന ചാലക്കുടിയിലാണ്. 63.85 ലക്ഷം രൂപയുടെ മദ്യമാണ് ചാലക്കുടിയില്‍ വിറ്റത്. ചങ്ങനാശ്ശേരി ബെവ്‌കോ ഔട്ട്‌ലെറ്റാണ് മദ്യവില്‍പ്പനയില്‍ രണ്ടാം സ്ഥാനത്തെത്തിയത്. 62.87 ലക്ഷം രൂപയുടെ മദ്യമാണ് ഇവിടെ വിറ്റത്. മൂന്നാം സ്ഥാനം ഇരിങ്ങാലക്കുട ഒട്ട്‌ലെറ്റിനാണ്.  62.31 കോടി രൂപയുടെ മദ്യമാണ് ഇരിങ്ങാലക്കുടയില്‍ വിറ്റത്. 

തിരുവനന്തപുരം: കോൺഗ്രസ്‌ മാർച്ചിനെതിരായ പൊലീസ് നടപടിയിൽ പ്രതിഷേധിച്ച് പുതുപ്പള്ളി എംഎല്‍എ ചാണ്ടി ഉമ്മന്റെ ഒറ്റയാൾ പ്രതിഷേധം. തിരുവനന്തപുരത്തെ പുതുപ്പള്ളി ഹൗസിന് സമീപമാണ് ചാണ്ടി ഉമ്മന്‍ പ്രതിഷേധിക്കുന്നത്. കറുത്ത വസ്ത്രമണിഞ്ഞ് ചാണ്ടി ഉമ്മൻ നടത്തുന്ന പ്രതിഷേധം അവസാനിപ്പിക്കണമെന്ന് ആവശ്യപ്പെട്ട് പ്രദേശത്ത് ഡിവൈഎഫ്ഐ പ്രവർത്തകരും രംഗത്തെത്തിയിട്ടുണ്ട്. ഇതുവഴി നവകേരള ബസ് കടന്ന് പോകാനിരിക്കെയാണ് ചാണ്ടി ഉമ്മന്‍റെ പ്രതിഷേധം.

പൈസക്കരി: ക്രിസ്മസ് ആഘോഷ പരിപാടികൾക്കിടെ അപ്രതീക്ഷിതമായി കുഴഞ്ഞു വിണതിനെ തുടർന്ന് സംഭവിച്ച യുവാവിൻ്റെ മരണം പൈസക്കരിയിലെ നാട്ടുകാരെ ഒന്നടങ്കം കണ്ണീരിലാഴ്ത്തി. പൈസക്കരി മടയ്ക്കലിലെ ചേന്നാട്ട് ഷാജുവിൻ്റെ മകൻ ജോസഫ് (കുട്ടാപ്പി-18) ആണ് മരിച്ചത്. പൈസക്കരി ദേവമാതാ ആർട്സ് ആൻ്റ് സയൻസ് കോളജിലെ ഒന്നാം വർഷ ബിസിഎ വിദ്യാർത്ഥിയായിരുന്നു. കെസിവൈഎം പൈസക്കരി യൂണിറ്റിലെ സജീവ പ്രവർത്തകൻ കൂടിയായിരുന്ന ജോസഫ് ഇടവകയിലെ ക്രിസ്മസ് കരോൾ പരിപാടികളുടെ ഭാഗമായി പയ്യാവൂർ ടൗണിൽ കലാപരിപാടികൾ അവതരിപ്പിക്കുന്നതിനിടെയാണ് കുഴഞ്ഞുവീണത്.  ബോധരഹിതനായ ജോസഫിനെ ഉടൻ തന്നെ പയ്യാവൂരിലെ ആശുപത്രിയിലെത്തിച്ച ശേഷം വിദഗ്ദ ചികിത്സക്കായി കണ്ണൂരിലേക്ക് കൊണ്ടു പോകും വഴിയാണ് മരണം സംഭവിച്ചത്. സംസ്കാരം ഇന്ന് (24, ഞായർ) 2.30 ന് പൈസക്കരി ദേവമാതാ ഫൊറോന പള്ളിയിൽ നടത്തും. കരിക്കോട്ടക്കരി ആലപ്പാട്ട് കുടുംബാംഗം മിനിയാണ് ജോസഫിൻ്റെ മാതാവ്. സഹോദരങ്ങൾ: ഡോണ (എംടെക് വിദ്യാർത്ഥിനി, തിരുവനന്തപുരം), ദിയ (ബിരുദ വിദ്യാർത്ഥിനി, നിർമലഗിരി കോളജ്, കൂത്തുപറമ്പ്). 

  ബംഗളൂരു: കൊവിഡ് കേസുകള്‍ ദിനംപ്രതി വര്‍ധിക്കുന്ന സാഹചര്യത്തില്‍ സ്‌കൂളുകളില്‍ നിയന്ത്രണങ്ങള്‍ ഏര്‍പ്പെടുത്താന്‍ കര്‍ണാടക സര്‍ക്കാര്‍. ജനുവരി പകുതിയോടെ കൊവിഡ് ബാധിതരുടെ എണ്ണം കുതിച്ചുയരാന്‍ സാധ്യതയുണ്ടെന്നും ഒന്നാം തീയതി മുതല്‍ സ്‌കൂളുകളില്‍ നിയന്ത്രണങ്ങള്‍ ഏര്‍പ്പെടുത്താനുമാണ് തീരുമാനം. വിദ്യാര്‍ഥികളും അധ്യാപകരും നിര്‍ബന്ധമായും മാസ്‌ക് ധരിക്കണം, അസംബ്ലികളിലും യോഗങ്ങളിലും സാമൂഹികഅകലം പാലിക്കണം, ക്ലാസ് മുറിയില്‍ വിദ്യാര്‍ഥികള്‍ അകലം പാലിച്ചിരിക്കണം, സ്‌കൂളുകളില്‍ സാനിറ്റൈസേഷന്‍ സംവിധാനം ഒരുക്കണം തുടങ്ങിയ നിര്‍ദേശങ്ങളാണ് ആരോഗ്യവകുപ്പ് നല്‍കിയിരിക്കുന്നത്.  ക്രിസ്തുമസ്, ന്യൂഇയര്‍ ആഘോഷങ്ങള്‍ക്ക് പിന്നാലെ കൊവിഡ് ബാധിതരുടെ എണ്ണത്തില്‍ വന്‍ വര്‍ധനവുണ്ടാകുമെന്നാണ് ആരോഗ്യവിദഗ്ദരുടെ നിരീക്ഷണം. കഴിഞ്ഞ 24 മണിക്കൂറില്‍ 23 പുതിയ കൊവിഡ് കേസുകളാണ് കര്‍ണാടകയില്‍ സ്ഥിരീകരിച്ചത്. ഇതോടെ 105 പേര്‍ക്കാണ് കൊവിഡ് ബാധിതരായി ചികിത്സയിലുള്ളത്. 85 പേര്‍ വീടുകളിലും 25 പേര്‍ ആശുപത്രിയിലുമാണ്. ഇതില്‍ ഒന്‍പത് പേര്‍ ഐസിയുവിലാണ്. 24 മണിക്കൂറില്‍ 2263 കൊവിഡ് ടെസ്റ്റുകളാണ് നടത്തിയത്.

വൈദ്യുതി മുടങ്ങുന്നതുമായി ബന്ധപ്പെട്ട സന്ദേശങ്ങളെ തുടര്‍ന്ന് ലൈനില്‍ വൈദ്യുതിയില്ല എന്ന തെറ്റിദ്ധാരണയില്‍ മരങ്ങളും മരക്കൊമ്ബുകളും നീക്കം ചെയ്യാന്‍ ജനങ്ങള്‍ തയ്യാറാകരുതെന്ന് കെഎസ്‌ഇബി മുന്നറിയിപ്പ്. എച്ച്‌ടി ലൈന്‍ മാത്രം ഓഫാക്കുകയും എല്‍ടി ലൈന്‍ ഓഫ് ആക്കാതിരിക്കുകയും ചെയ്യുന്ന സാഹചര്യമുണ്ട്. ഓരോ ഭാഗത്തെയും ജോലി പൂര്‍ത്തിയാകുന്ന മുറയ്ക്ക് ലൈന്‍ ഭാഗികമായി ചാര്‍ജ് ചെയ്യാനും ഇടയുണ്ടെന്ന് കെഎസ്‌ഇബി അറിയിച്ചു. *കെഎസ്‌ഇബി അറിയിപ്പ്:* വൈദ്യുതി മുടങ്ങുന്നതുമായി ബന്ധപ്പെട്ട് Whatsapp/SMS വഴി കെ എസ് ഇ ബി നല്‍കുന്ന സന്ദേശങ്ങളെത്തുടര്‍ന്ന് ലൈനില്‍ വൈദ്യുതിയില്ല എന്ന തെറ്റിദ്ധാരണയില്‍ ലൈന്‍ കടന്നു പോകുന്ന പ്രദേശത്തുള്ള മരങ്ങളും മരക്കൊമ്ബുകളും നീക്കം ചെയ്യാന്‍ പൊതുജനങ്ങള്‍ മുതിരുന്നതായി ശ്രദ്ധയില്‍പ്പെട്ടിട്ടുണ്ട്. പലപ്പോഴും എച്ച്‌ ടി ലൈന്‍ മാത്രം ഓഫാക്കുകയും എല്‍ ടി ലൈന്‍ ഓഫ് ആക്കാതിരിക്കുകയും ചെയ്യുന്ന സാഹചര്യമുണ്ട്. ഓരോ ഭാഗത്തെയും ജോലി പൂര്‍ത്തിയാകുന്ന മുറയ്ക്ക് ലൈന്‍ ഭാഗികമായി ചാര്‍ജ് ചെയ്യാനും ഇടയുണ്ട്. കൂടാതെ, ടച്ചിംഗ് വെട്ടുന്ന ജോലി പല കാരണങ്ങളാലും മാറ്റിവയ്ക്കുന്ന സാഹചര്യവും ഉണ്ടായ

നിങ്ങളുടെ പ്രാർത്ഥനയിൽ ലോകത്തിലുള്ള മുഴുവൻ ജനങ്ങളെയും ഉൾപ്പെടുത്തണമെന്ന് അപേക്ഷിക്കുന്നു_*🙏🙏🙏🙏🙏🙏🙏എല്ലാവർക്കും നന്മകൾ നേരുന്നു....🙏*_🔹 സാമൂഹിക മാധ്യമങ്ങളിലെ സന്ദേശങ്ങൾ വിശ്വസിക്കുന്നതിന് മുമ്പ് അവയുടെ സ്രോതസ്സ് ഉറപ്പു വരുത്തുക_*

*നിരവധി സമ്മാനങ്ങൾ*     *150 വ്യൂസിൽ കൂടുതൽ ഉള്ളവർ*  *Whatsapp Status Challenge-*                  2️⃣0️⃣2️⃣3️⃣ Save photo and add your status. **വാർത്തകൾ അറിയാൻ നമ്മുടെ വാട്‌സ്ആപ്പ് ഗ്രൂപ്പിൽ ജോയിൻ ചെയ്യൂ....* 👇👇👇👇👇 https://chat.whatsapp.com/H6yIPuK7UmSAdgkB2pQJxL

കണ്ണൂരിൽ ബൈക്കിൽ സ്റ്റണ്ട് നടത്തിയതിന് രണ്ട് പേരുടെ ലൈസൻസ് മോട്ടോർ വാഹന വകുപ്പ് സസ്‌പെൻഡ് ചെയ്തു...                                                                               എഐ ക്യാമറയുടെ പ്രവർത്തനം പരിശോധിക്കാൻ മോട്ടോർ സൈക്കിളിൽ സ്റ്റണ്ട് നടത്തിയ വടകര സ്വദേശികളായ രണ്ട് പേരുടെ ലൈസൻസ് മോട്ടോർ വാഹന വകുപ്പ് സസ്‌പെൻഡ് ചെയ്‌തു. ചാലോട് സ്വദേശിയും മറ്റ് രണ്ടുപേരും ചേർന്ന് മോട്ടോർ സൈക്കിൾ ഓടിക്കുമ്പോൾ ഒരു കൈകൊണ്ട് വാഹനത്തിന്റെ നമ്പർ. മുൻഭാഗത്തെ രജിസ്‌ട്രേഷൻ കവർ ചെയ്തതായി കണ്ടെത്തി. ലൈസൻസ് സസ്‌പെൻഷനു പുറമെ എടപ്പാളിലെ ഐഡിടിആറിൽ (ഇൻസ്റ്റിറ്റ്യൂട്ട് ഓഫ് ഡ്രൈവിംഗ് ട്രെയിനിംഗ് ആൻഡ് റിസർച്ച്) പരിശീലനം നേടാനും നിർദേശിച്ചു. ഇത്തരം പ്രകടനങ്ങളിൽ നിന്ന് യുവാക്കൾ വിട്ടുനിൽക്കണമെന്ന് ആർടിഒ എൻഫോഴ്‌സ്‌മെന്റ് ഓഫീസർ മുജീബ് നിർദ്ദേശിച്ചു.

മറിയക്കുട്ടിയുടെ ഹര്‍ജി രാഷ്ട്രീയ പ്രേരിതമെന്ന് സര്‍ക്കാര്‍; സർക്കാരിനെ വീണ്ടും വിമർശിച്ച് ഹൈക്കോടതി മറിയക്കുട്ടിയെപ്പോലുള്ളവര്‍ എങ്ങനെ ജീവിക്കും?; ഹൈക്കോടതി;  കൊച്ചി: പെന്‍ഷന്‍ നല്‍കണമെന്ന് ആവശ്യപ്പെട്ടുകൊണ്ടുള്ള അടിമാലി സ്വദേശി മറിയക്കുട്ടിയുടെ ഹര്‍ജി രാഷ്ട്രീയപ്രേരിതമെന്ന് സര്‍ക്കാര്‍ ഹൈക്കോടതിയില്‍. പെന്‍ഷന്‍ പൂര്‍ണമായി നല്‍കുന്നതിന് ഫണ്ടിന്റെ അപര്യാപ്തതയുണ്ടെന്നും സര്‍ക്കാര്‍ അഭിഭാഷകന്‍ കോടതിയെ അറിയിച്ചു. എന്നത്തേക്ക് പെന്‍ഷന്‍ നല്‍കാന്‍ കഴിയുമെന്ന കാര്യത്തില്‍ സര്‍ക്കാര്‍ കൂടുതല്‍ സമയം ആവശ്യപ്പെട്ടു.  പെന്‍ഷന്‍ ലഭിക്കാതെ മറിയക്കുട്ടിയെപ്പോലുള്ളവര്‍ എങ്ങനെ ജീവിക്കുമെന്ന് കോടതി ചോദിച്ചു. ദൗര്‍ഭാഗ്യകരമായ മറുപടിയാണ് സര്‍ക്കാരിന്റേതെന്നും കോടതി അഭിപ്രായപ്പെട്ടു. വിധവാ പെന്‍ഷനായി 1600 രൂപയാണ് മറിയക്കുട്ടിക്ക് മാസംതോറും ലഭിക്കേണ്ടത്. ഹര്‍ജി ഉച്ചയ്ക്ക് ശേഷം പരിഗണിക്കുമെന്നും അതിനകം സര്‍ക്കാര്‍ മറുപടി നല്‍കാനും കോടതി നിര്‍ദേശിച്ചു.  കേന്ദ്ര ഫണ്ട് വൈകുന്നതില്‍ കേന്ദ്രസര്‍ക്കാരിന് ഹൈക്കോടതി നോട്ടീസ് അയച്ചിരുന്നു. ഇതില്‍ കേന്ദ്രസര്‍ക്കാര്‍ അഭിഭാഷകന്‍ ഉച്ചയ്ക്കുശേഷം മറുപടി നല്‍കിയ

സംസ്ഥാനത്ത് 24 മണിക്കൂറിനിടെ 265 പേർക്ക് കൂടി കൊവിഡ്; 1 മരണം *തിരുവനന്തപുരം:* സംസ്ഥാനത്ത് 24 മണിക്കൂറിനിടെ 265 പേർക്ക് കൂടി കൊവിഡ് സ്ഥിരീകരിച്ചെന്ന് ആരോഗ്യമന്ത്രാലയത്തിന്റെ കണക്ക്. കൊവിഡ് ബാധിച്ച് ഒരു മരണം റിപ്പോർട്ട് ചെയ്തു. നിലവിൽ 2606 ആണ് ആക്ടീവ് കേസുകൾ. രാജ്യത്താകെ 24 മണിക്കൂറിനിടെ 328 കേസുകളാണ് റിപ്പോർട്ട് ചെയ്തിട്ടുള്ളത്. 2997 ആണ് രാജ്യത്തെ ആക്ടീവ് കേസുകൾ.  കൊവിഡ് കേസുകൾ ഉയരുന്ന സാഹചര്യത്തിൽ ജാ​ഗ്രത കർശനമാക്കിയിരിക്കുകയാണ് കേന്ദ്ര ആരോ​ഗ്യ മന്ത്രാലയം. കൂടുതൽ സംസ്ഥാനങ്ങളിൽ മുൻകരുതൽ നടപടികൾ ശക്തമാക്കും.

പുതിയ ക്രിമിനൽ നിയമം; 30 ദിവസത്തിനകം കുറ്റം സമ്മതിച്ചാല്‍ ശിക്ഷ കുറയും ന്യൂഡൽഹി: സമഗ്രമായ കൂടിയാലോചനകൾക്ക് ശേഷമാണ് പരിഷ്‍കരിച്ച ക്രിമിനൽ നിയമങ്ങളുണ്ടാക്കിയതെന്ന് മന്ത്രി അമിത് ഷാ പറഞ്ഞു. ക്രിമിനൽ നീതിന്യായ വ്യവസ്ഥക്ക് ഇനി മാനുഷിക സ്പർശമുണ്ടാകും. ഇന്ത്യൻ ചിന്തയെ അടിസ്ഥാനമാക്കിയുള്ള നീതിന്യായ വ്യവസ്ഥ സ്ഥാപിക്കാനാണ് ശ്രമിക്കുന്നത്. പിഴചുമത്തുന്നതിന് പകരം നീതി നൽകുന്നതിൽ ശ്രദ്ധ കേന്ദ്രീകരിക്കുന്നതാണ് പുതിയ നിയമങ്ങൾ.പൊലീസിന് പരാതി കിട്ടി മൂന്നു ദിവസത്തിനകം എഫ്.ഐ.ആർ ഇടണം. 14 ദിവസത്തിനകം പ്രാഥമിക അന്വേഷണം പൂർത്തിയാക്കണം. അന്വേഷണ റിപ്പോർട്ട് 24 മണിക്കൂറിനകം മജിസ്ട്രേറ്റിന് സമർപ്പിക്കണം. 180 ദിവസമാണ് ഇനി കുറ്റപത്രം സമർപ്പിക്കാനുള്ള സമയപരിധി. അന്വേഷണം കഴിഞ്ഞിട്ടില്ലെങ്കിൽ കോടതിയിൽനിന്ന് അനുമതി വാങ്ങണം. 45 ദിവസത്തിനപ്പുറത്തേക്ക് ഒരു കേസ് വിധിപറയാൻ മാറ്റരുത്.രാജ്യത്തിന് പുറത്തുള്ള കുറ്റാരോപിതർ 90 ദിവസത്തിനകം കോടതിക്കുമുമ്പാകെ ഹാജരായില്ലെങ്കില്‍ അവരുടെ അസാന്നിധ്യത്തിലും വിചാരണ മുന്നോട്ടുകൊണ്ടുപോകുന്ന ട്രയല്‍ ഇന്‍ ആബ്ഷന്‍സ്യ എന്ന വ്യവസ്ഥ പുതിയ നിയമത്തിലുണ്ടാകും. കുറ്റമുക്തനാക്കാനുള്ള അപേ

ടോൾ പ്ലാസകൾ ഇനിയില്ല, സഞ്ചരിച്ച ദൂരത്തിന് മാത്രം പണം! റോഡുകളിൽ ജിപിഎസ് മാജിക്കുമായി ഗഡ്‍കരി രാജ്യത്ത് പുതിയ ടോൾ പിരിവ് സാങ്കേതികവിദ്യ അവതരിപ്പിക്കാൻ കേന്ദ്രം പദ്ധതിയിടുന്നു. ഇതോടെ റോഡുകളിൽ ഫാസ്‌ടാഗുകളും ടോൾ പ്ലാസകളും ഉടൻ തന്നെ അപ്രത്യക്ഷമായേക്കും എന്നാണ് റിപ്പോര്‍ട്ട്.  വാഹനങ്ങളിൽ നിന്ന് ടോൾ ഈടാക്കുന്ന പഴയ രീതിക്ക് പകരമായി ജിപിഎസ് അധിഷ്ഠിത ടോൾ പിരിവ് സംവിധാനം ആരംഭിക്കാനാണ് സർക്കാർ ലക്ഷ്യമിടുന്നതെന്ന് കേന്ദ്രമന്ത്രി നിതിൻ ഗഡ്‍കരി വ്യക്തമാക്കി. നിലവിൽ, രാജ്യത്തുടനീളമുള്ള ഹൈവേകളിൽ സ്ഥാപിച്ചിട്ടുള്ള ഫിസിക്കൽ ടോൾ പ്ലാസകൾ ഫാസ്ടാഗ് അടിസ്ഥാനമാക്കിയുള്ള സാങ്കേതികവിദ്യയിലൂടെ ടോൾ ഫീസ് പിരിക്കുകയാണ് ചെയ്യുന്നത്. ഏകദേശം മൂന്ന് വർഷം മുമ്പാണ് ടോൾ പിരിവിന്റെ നിർബന്ധിത രീതിയായി ഇത് അവതരിപ്പിച്ചത്. ഡൽഹി-മുംബൈ എക്‌സ്‌പ്രസ് വേയിലുള്ളതുപോലുള്ള ഫിസിക്കൽ ടോൾ പ്ലാസകൾ മാറ്റി പകരം ജിപിഎസ് അടിസ്ഥാനമാക്കിയുള്ള ടോൾ പിരിവ് സംവിധാനം കേന്ദ്രം ഉടൻ കൊണ്ടുവരും. അടുത്ത വർഷം മാർച്ച് മുതൽ നടപ്പാക്കാൻ സാധ്യതയുള്ള പുതിയ ജിപിഎസ് അധിഷ്ഠിത ടോൾ പിരിവ് സംവിധാനം ടോൾ പ്ലാസകളിലെ ഗതാഗതക്കുരുക്ക് കുറയ്ക്കാനാണ് ലക്ഷ്യമിടുന്

ട്രെയിൻ യാത്ര പോകയാണോ ?  ടിക്കറ്റിനോടൊപ്പം ഈ നമ്പറുകളും സൂക്ഷിക്കാം.  9846200180 9846200150 9846200100  ട്രെയിൻ യാത്രയ്ക്കിടയിൽ എന്തെങ്കിലും പ്രശനമുണ്ടായാൽ   24 മണിക്കൂറും പ്രവർത്തിക്കുന്ന റയിൽവേ പോലീസ് കണ്ട്രോൾ റൂമിൽ വിവരം അറിയിക്കാം.  കൂടാതെ 9497935859 എന്ന വാട്സ്ആപ് നമ്പറിൽ ഫോട്ടോ, വീഡിയോ, ടെക്സ്റ്റ് എന്നിവയായും വിവരങ്ങൾ കൈമാറാം.

മാഹി സെയിന്റ് തെരേസാസ് ദേവാലയം ബസലിക്കയായി ഉയർത്തി കോഴിക്കോട്: മാഹിയിലെ സെയിന്റ് തെരേസാസ് ദേവാലയത്തെ ഫ്രാൻസിസ് മാർപ്പാപ്പ ബസലിക്കയായി ഉയർത്തി. ഇന്ന് ഉച്ചയ്ക്ക് 12:00 മണിക്ക് കോഴിക്കോട് നവജ്യോതി റിന്യൂവൽ സെന്ററിൽ നടത്തിയ വാർത്താ സമ്മേളനത്തിൽ കോഴിക്കോട് രൂപതാ ബിഷപ്പ് മാർ വർഗീസ് ചക്കാലക്കാലാണ് ബസലിക്ക പ്രഖ്യാപനം നടത്തിയത്. മലബാറിലെ ആദ്യത്തെ ബസലിക്കയാണ് മാഹി സെന്റ് തെരേസാസ് പള്ളി. മാർപ്പാപ്പയുടെ ഇറ്റാലിയൻ ഭാഷയിലുള്ള ഡിക്രി മാഹി പള്ളി വികാരി ഫാ.വിൻസന്റ് പുളിക്കൽ വായിച്ചു. മലയാളം തർജ്ജിമ ഫാ.സജി വർഗീസും വായിച്ചു.

തിരുവനന്തപുരം :  24 മണിക്കൂറിനിടെ സംസ്ഥാനത്ത് 300 പേർക്ക് കൂടി കൊവിഡ് രോഗബാധ സ്ഥിരീകരിച്ചു. ആക്ടീവ് കേസുകൾ 2341 ലേക്ക് ഉയര്‍ന്നു. സംസ്ഥാനത്ത് മൂന്ന് മരണം കൂടി റിപ്പോര്‍ട്ട് ചെയ്തതായും കേന്ദ്ര ആരോഗ്യ മന്ത്രാലയം പുറത്തുവിട്ട കണക്കുകൾ പറയുന്നു. രാജ്യത്താകെ 24 മണിക്കൂറിനിടെ 358 കേസുകളാണ് റിപ്പോര്‍ട്ട് ചെയ്തിരിക്കുന്നത്. രാജ്യത്തെ ആക്ടീവ് കേസുകളുടെ എണ്ണം 2669 ആണ് കൊവിഡ് കേസുകൾ ഉയരുന്ന സാഹചര്യത്തിൽ ജാ​ഗ്രത കർശനമാക്കിയിരിക്കുകയാണ് കേന്ദ്ര ആരോ​ഗ്യ മന്ത്രാലയം. കൂടുതൽ സംസ്ഥാനങ്ങളിൽ മുൻകരുതൽ നടപടികൾ ഇന്ന് മുതൽ ശക്തമാക്കും. കൂടുതൽ പരിശോധന നടത്താൻ ഇന്നലെ ചേർന്ന ഉന്നതതല യോഗത്തിൽ സംസ്ഥാനങ്ങളോട് കേന്ദ്രമന്ത്രി നിർദേശിച്ചിരുന്നു. വരും ദിവസങ്ങളിലെ രോ​ഗവ്യാപനം കൂടി പരിഗണിച്ചാകും കേന്ദ്ര സര്‍ക്കാരിന്റെ തുടർ നടപടികൾ ഉണ്ടാവുക. ഇതുവരെ 21 പേരിൽ ജെഎൻ 1 കൊവിഡ് ഉപ വകഭേദം രാജ്യത്ത് കണ്ടെത്തിയിട്ടുണ്ട്.

വെടിക്കെട്ട് ഒഴിവാക്കാം; തുക ജീവകാരുണ്യ പ്രവൃത്തികള്‍ക്ക്-മാര്‍ ജോസഫ് പാംപ്ലാനി കണ്ണൂര്‍: പള്ളിത്തിരുനാളുകളുമായി ബന്ധപ്പെട്ടുള്ള ആഘോഷങ്ങളില്‍ വെടിക്കെട്ട് ഒഴിവാക്കി ഹൈക്കോടതി ഉത്തരവ് പാലിക്കണമെന്ന് തലശേരി അതിരൂപത ആര്‍ച്ച്‌ ബിഷപ് മാര്‍ ജോസഫ് പാംപ്ലാനി. 17ന് പള്ളികളില്‍ വായിച്ച സര്‍ക്കുലറിലൂടെയാണ് ആര്‍ച്ച്‌ ബിഷപ് ഇക്കാര്യം വ്യക്തമാക്കിയത്. വെടിക്കോപ്പുകള്‍ക്ക് ഉപയോഗിക്കുന്ന പണം ഇടവകയിലെ ജീവകാരുണ്യ പ്രവര്‍ത്തികള്‍ക്കോ ഭവനരഹിതരായ ഒരു വ്യക്തിക്ക് ഭവനം നിര്‍മിച്ച്‌ നല്കാനോ ഉപയോഗിക്കണമെന്നും സര്‍ക്കുലറില്‍ പറയുന്നു. 2023 നവംബര്‍ മൂന്നിന് വെടിക്കെട്ടിനെ സംബന്ധിച്ച്‌ ഹൈക്കോടതി പുറപ്പെടുവിച്ച വിധി നടപ്പിലാക്കാൻ എല്ലാവരും ശ്രദ്ധിക്കണം എന്ന ആമുഖത്തോടെയാണ് സര്‍ക്കുലര്‍ ആരംഭിക്കുന്നത്. ദൈവത്തെ പ്രീതിപ്പെടുത്താൻ ദേവാലയങ്ങളില്‍ പടക്കം പൊട്ടിക്കണമെന്ന് വിശുദ്ധ പുസ്തകങ്ങളില്‍ പറയുന്നില്ല എന്ന ജസ്റ്റീസ് അമിത് റാവലിന്‍റെ ഉത്തരവും ബിഷപ് ചൂണ്ടിക്കാണിക്കുന്നുണ്ട്. എക്സ് പ്ലൊസീവ് റൂള്‍സ് പ്രകാരം ജില്ലാ കളക്‌ടറാണ് എക്സ്പ്ലൊസീവ് ലൈസൻസ് നല്കേണ്ടത്.  കളക്‌ടറുടെ അനുവാദം ലഭിക്കാനാവശ്യമായ സുരക്ഷാ ക്രമീകര

JN.1 സബ് വേരിയന്റ് ഭീതി; 60 വയസ്സിന് മുകളിലുള്ളവർക്ക് മാസ്ക് നിർബന്ധമാക്കാൻ കർണ്ണാടക കേരളത്തിൽ പുതിയ കൊറോണ വേരിയന്റ് കണ്ടെത്തിയതിനെതുടന്നു 60 വയസ്സിന് മുകളിലുള്ളവർക്ക് മാസ്ക് നിർബന്ധമാക്കാൻ കർണ്ണാടക ഒരുങ്ങുന്നു . ഇന്നുച്ചയോടെ ഉത്തരവ് പുറപ്പെടുവിക്കും എന്നാണ് കർണ്ണാടക ആരോഗ്യ മന്ത്രി ദിനേഷ്ഗുണ്ടുറാവു അറിയിച്ചത്. 60 വയസ്സിനു മുകളിൽ പ്രായമുള്ളവർ, ഹൃദ്രോഗം, വൃക്ക രോഗങ്ങൾ ഉള്ളവർ, പനി, കഫം, ജലദോഷം എന്നിവയുള്ളവർ നിർബന്ധമായും മാസ്‌ക് ധരിക്കണമെന്ന് കർണാടക സർക്കാർ. ആശുപത്രികളിലും ആരോഗ്യ കേന്ദ്രങ്ങളിലും ആവശ്യമായ തയ്യാറെടുപ്പുകൾ നടത്താനും സജ്ജമാകാനും നിർദേശം നൽകിക്കഴിഞ്ഞു. കുടക്, മംഗളൂരു, ചാമരാജനഗർ തുടങ്ങിയ അതിർത്തി ജില്ലകളിലും സംസ്ഥാനം കൂടുതൽ ജാഗ്രതാ നിർദേശം നൽകിയിട്ടുണ്ട്. കേരളത്തിൽ INSACOG നടത്തുന്ന പതിവ് നിരീക്ഷണ പ്രവർത്തനത്തിന്റെ ഭാഗമായി നടത്തിയ പരിശോധനയിലാണ് കോവിഡ്-19 ന്റെ ജെഎൻ.1 സബ് വേരിയന്റിന്റെ ഒരു കേസ് കണ്ടെത്തിയത്. 2023 ഡിസംബർ 8-ന് കേരളത്തിലെ തിരുവനന്തപുരത്തെ കരകുളത്ത് നിന്നുള്ള ആർ‌ടി-പി‌സി‌ആർ പോസിറ്റീവ് സാമ്പിളിലാണ് ഈ കേസ് കണ്ടെത്തിയത് ▪️➖➖➖➖➖➖➖▪️   

പയ്യന്നൂര്‍ : പയ്യന്നൂരിലെ യുവ വൈദികന്റെ ആത്മഹത്യയുമായി ബന്ധപ്പെട്ട് പോലീസ് അന്വേഷണം ഊര്‍ജിതമാക്കി. വൈദികന്റെ മൊബൈല്‍ ഫോണും ലഭിച്ച ഊമക്കത്തും ശാസ്ത്രീയ പരിശോധനക്കയച്ചു. ഫാ.ആന്റണി മുഞ്ഞനാട്ടിന്റെ (38) മരണത്തിന് പിന്നിലെ ദുരൂഹത നീക്കാന്‍ പയ്യന്നൂര്‍ സി.ഐ മെല്‍ബിന്‍ ജോസിന്റെ നേതൃത്വത്തിലാണ് അന്വേഷണം നടക്കുന്നത്. വൈദികന്റെ വീട്ടിലെത്തി പോലീസ് ബന്ധുക്കളുടെ മൊഴിയെടുത്തു. മരണത്തിനിടയാക്കിയെന്ന പരാമര്‍ശമുള്ള ഊമകത്തുമായി ബന്ധപ്പെട്ട കാര്യങ്ങള്‍ അന്വേഷിച്ചുവെങ്കിലും ബന്ധുകളുമായി നടത്തിയ ആശയ വിനിമയത്തില്‍ സൂചനകളൊന്നും ലഭിച്ചില്ല. ഊമക്കത്ത് ഫോറന്‍സിക് പരിശോധനക്ക് അയച്ചു. വൈദികന്‍ ഉപയോഗിച്ചിരുന്ന മൊബൈല്‍ ഫോണ്‍ കസ്റ്റ ഡിയിലെടുത്ത പോലീസ് ശാസ്ത്രീയ പരിശോധ നക്കായി കണ്ണൂരിലെ സൈബര്‍ വിങ്ങിലേക്കും അയച്ചുകൊടുത്തിട്ടുണ്ട്. പള്ളിയിലെ ഉത്തരവാദപ്പെട്ട ചിലരെ കഴിഞ്ഞ ദിവസം ചോദ്യം ചെയ്തിരുന്നുവെങ്കിലും മരണത്തിന് പിന്നിലെ സൂചനകളൊന്നും പോലീസിന് ലഭിച്ചില്ല. വരും ദിവസങ്ങളില്‍ സംഭവവുമായി ബന്ധപ്പെട്ട് കൂടുതല്‍ പേരെ കണ്ടെത്തി ചോദ്യം ചെയ്യാനുള്ള നീക്കത്തിലാണ് പോലീസ് സംഘം. യുവ വൈദികന്റെ ദുരൂഹ മരണം വിശ്വാസിക

കൊവിഡ് വ്യാപനം; ആശുപത്രികളില്‍ മാസ്ക് ഉപയോഗിക്കാന്‍ നിര്‍ദേശം കൊവിഡ് വ്യാപനത്തിൻ്റെ പശ്ചാത്തലത്തില്‍ ആശുപത്രികളില്‍ മാസ്ക് ഉപയോഗിക്കാൻ ആരോഗ്യ മന്ത്രിയുടെ അധ്യക്ഷതയില്‍ ചേര്‍ന്ന ഉന്നതല യോഗത്തില്‍ നിര്‍ദേശം. ആരോഗ്യ പ്രവർത്തകരും ആശുപത്രികളിലെത്തുന്ന രോഗികളും മാസ്ക് ഉപയോഗിക്കണം എന്നാണ് നിര്‍ദേശം. മാസ്ക് നിര്‍ബന്ധമാക്കിയിട്ടില്ല എങ്കിലും മുന്‍കരുതലായും രോഗ വ്യാപനം തടയാനും ഉപയോഗിക്കണം. എറണാകുളം, തിരുവനന്തപുരം ജില്ലകളിലാണ് കൊവിഡ് കേസുകളില്‍ വര്‍ധനവുള്ളതെന്നും ഇവിടങ്ങളില്‍ പ്രത്യേക ശ്രദ്ധ ആവശ്യമാണെന്നും യോഗത്തില്‍ നിര്‍ദേശം ഉയര്‍ന്നു. ആവശ്യത്തിന് ഐസൊലേഷന്‍, ഐസിയു ബെഡുകള്‍ ഉറപ്പാക്കണം എന്നും യോഗം നിര്‍ദേശം നല്‍കി. ©

ദക്ഷിണ കന്നഡയിലും കുടകിലും കേരള അതിര്‍ത്തികളില്‍ പനി പരിശോധന ബംഗളൂരു | കേരളത്തില്‍ കോവിഡ് കേസുകള്‍ വര്‍ധിച്ച സാഹചര്യത്തില്‍ ദക്ഷിണ കന്നഡ, കുടക് ജില്ലകളിലെ കേരള അതിര്‍ത്തികളില്‍ കര്‍ണാടക പനി പരിശോധന നിര്‍ബന്ധമാക്കി. അതേസമയം കോവിഡിന്റെ പേരില്‍ ഇരു സംസ്ഥാനങ്ങളിലേക്കും തിരിച്ചും സഞ്ചാര വിലക്ക് ഏര്‍പ്പെടുത്തിയിട്ടില്ല. കുടകില്‍ കണ്ണൂര്‍, വയനാട് ജില്ല അതിര്‍ത്തികളിലും ദക്ഷിണ കന്നഡ ജില്ലയില്‍ തലപ്പാടി, കാസര്‍കോട് ജില്ല അതിര്‍ത്തികളിലുമാണ് പരിശോധന. 

കേരളത്തിൽ കൊവിഡ് കേസുകൾ ഉയരുന്നു  സംസ്ഥാനത്ത് പ്രതിദിന കൊവിഡ് കേസുകളില്‍ വര്‍ധനവ്. ഇന്നലെ മാത്രം സംസ്ഥാനത്ത് 292 പേര്‍ക്ക് കൊവിഡ് സ്ഥിരീകരിച്ചു. തിങ്കളാഴ്ച 115 പേര്‍ക്ക് കൊവിഡ് സ്ഥിരീകരിച്ചതില്‍ നിന്നാണ് ഇന്നലെ ഇരട്ടിയിലധികമായി ഉയര്‍ന്നത്. രണ്ട് കൊവിഡ് മരണവും സംസ്ഥാനത്ത് ഇന്നലെ റിപ്പോർട്ട് ചെയ്തു. കേരളത്തില്‍ ചികിത്സയിലുള്ളവരുടെ എണ്ണം 2041 ആയി ഉയര്‍ന്നു. ഇന്നലെ രാജ്യത്ത് ഏറ്റവും കൂടുതല്‍ കൊവിഡ് സ്ഥിരീകരിച്ചതും കേരളത്തിലാണ്.

കണ്ണൂർ : പകര്‍ച്ചപ്പനിക്ക് പുറമെ കോവിഡ് വകഭേദം കൂടെ സ്ഥിതീകരിച്ചതോടെ ഏറെ ഭീതിയിലാണ് ജനങ്ങള്‍. പകര്‍ച്ചപ്പനി ബാധിച്ച്‌ ജില്ലയിലെ സര്‍ക്കാര്‍-സ്വകാര്യ ആശുപത്രികളില്‍ ദിനംപ്രതി ചികിത്സതേടിയെത്തുന്നത് ആയിരക്കണക്കിനാളുകളാണ്. സ്വകാര്യ ആശുപത്രികള്‍, ക്ലിനിക്കുകള്‍, ആയുര്‍വേദം, ഹോമിയോ അടക്കം മറ്റിടങ്ങളിലും എത്തുന്ന രോഗികളുടെ എണ്ണം കൂടി കണക്കിലെടുത്താല്‍ ഇരട്ടിയിലധികം രോഗികളുണ്ടാവും.  ഡിസംബര്‍ ഒന്ന് മുതല്‍ 15 വരെ 10079 പേരാണ് ചികിത്സ തേടിയെത്തിയത്. ഓരോ ദിവസവും 900 ത്തോളം പേര്‍ ചികിത്സ തേടുന്നുണ്ട്. ഇതില്‍ കൂടുതല്‍ പേര്‍ക്കും വൈറല്‍ പനിയാണ്. റിപ്പോര്‍ട്ട് ചെയ്യുന്നതില്‍ കൂടുതലും വൈറല്‍ പനിയാണെങ്കിലും എലിപ്പനിയും ഡെങ്കിപ്പനിയും റിപ്പോര്‍ട്ട് ചെയ്യുന്നുണ്ട്. കൂടാതെ ജലദോഷം, തൊണ്ട വേദന, ചുമ, കഫക്കെട്ട്, നടുവേദന, വയറിളക്കം തുടങ്ങിയ രോഗങ്ങളുമുണ്ട്.  പനി മാറിയാലും ഒരാഴ്ചയിലധികം നീണ്ടുനില്‍ക്കുന്ന കടുത്ത ക്ഷീണവും വിട്ടുമാറാത്ത ചുമയും പലരെയും അലട്ടുന്നുണ്ട്. സ്‌കൂള്‍ വിദ്യാര്‍ഥികളിലാണ് കുടുതലും പനി കണ്ടുവരുന്നത്. ഇവരിലൂടെ മറ്റുള്ളവരിലേക്ക് പടരുകയാണ്.  പനി ലക്ഷണങ്ങളുള്ള കുട്ടികളെ സ്‌കൂളിലേക്ക്

സംസ്ഥാനത്ത് ഇന്നലെ 115 കോവിഡ് കേസുകൾ കൂടി സ്ഥിരീകരിച്ചതായി കേന്ദ്ര ആരോഗ്യ മന്ത്രാലയം അറിയിച്ചു. രാജ്യത്താകെ ആക്ടീവ് കേസുകൾ 1970 ആയി. ഇന്നലെ രാജ്യത്താകെ സ്ഥിരീകരിച്ചത് 142 കേസുകളായിരുന്നു. ഇതോടെ കേരളത്തിൽ ആക്ടീവ് കേസുകൾ 1749 ആയി ഉയര്‍ന്നു. രാജ്യത്തെ ആക്ടീവ് കേസുകളിൽ 88.78 ശതമാനം കേസുകളും കേരളത്തിലാണ്. രാജ്യത്ത് വീണ്ടും കൊവിഡ് വ്യാപനം വര്‍ധിക്കുന്ന സാഹചര്യത്തില്‍ കേന്ദ്ര ആരോഗ്യമന്ത്രി മന്‍സുഖ് മാണ്ഡവ്യ നാളെ അടിയന്തര യോഗം വിളിച്ചു.