കൊച്ചി മെട്രോയുടെ പ്രധാന സ്റ്റേഷനുകളിലൊന്നായ തൃപ്പൂണിത്തുറ സ്റ്റേഷനിലേക്ക് നടത്തിയ പരീക്ഷണ ഓട്ടം വിജയകരമായി പൂർത്തിയാക്കി
കൊച്ചി മെട്രോയുടെ പ്രധാന സ്റ്റേഷനുകളിലൊന്നായ തൃപ്പൂണിത്തുറ സ്റ്റേഷനിലേക്ക് നടത്തിയ പരീക്ഷണ ഓട്ടം വിജയകരമായി പൂർത്തിയാക്കി. ഇന്നലെ പുലർച്ചെ 1.30നാണ് എസ്‌ എൻ ജംഗ്ഷൻ - തൃപ്പൂണിത്തുറ റൂട്ടിൽ ആദ്യഘട്ട പരീക്ഷണ ഓട്ടം നടത്തിയത്. സിഗ്നൽ സംവിധാനങ്ങളിലെ കൃത്യത ഉൾപ്പെടെ ഉറപ്പുവരുത്തുന്നതിനായി ഈ മേഖലയിലെ ആദ്യ ട്രയൽ റൺ സഹായകരമായി. വരും ദിവസങ്ങളിലും ഈ മേഖലയിൽ പരീക്ഷണയോട്ടം തുടരും.
തൃപ്പൂണിത്തുറയിൽ നിന്ന് മറ്റ്‌ മേഖലകളിലേക്ക് ഭാവിയിൽ മെട്രോ ലൈൻ ദീർഘിപ്പിക്കാൻ സാധിക്കുന്ന തരത്തിലാണ് തൃപ്പൂണിത്തുറ മെട്രോ സ്റ്റേഷനും പ്ലാറ്ഫോമും നിർമ്മിച്ചിരിക്കുന്നത്. മൂന്ന് പ്ലാറ്റ്ഫോമും മൂന്ന് ട്രാക്കുകളുമാണ് തൃപ്പൂണിത്തുറ സ്റ്റേഷനിൽ ഒരുക്കിയിരിക്കുന്നത്.
Comments
Post a Comment