കൊവിഡ് കേസുകള് വര്ധിക്കുന്നു; രാജ്യത്തെ 1492 കേസുകളില് 1324 കേസുകൾ കേരളത്തില്
കൊവിഡ് കേസുകള് വര്ധിക്കുന്നു; രാജ്യത്തെ 1492 കേസുകളില് 1324 കേസുകൾ കേരളത്തില്
തിരുവനന്തപുരം: സംസ്ഥാനത്ത് വീണ്ടും കൊവിഡ് 19 കേസുകള് വര്ധിക്കുന്നു. രാജ്യത്ത് റിപ്പോര്ട്ട് ചെയ്ത 1492 കേസുകളില് 1324 കേസുകളും കേരളത്തില് എന്ന് കണക്കുകള്. ഇന്നലെ സ്ഥിരീകരിച്ച 329 കേസുകളില് 298 കേസുകള് കേരളത്തിലാണ് റിപ്പോര്ട്ട് ചെയ്തിരിക്കുന്നത്. കൊവിഡ് വീണ്ടും ആശങ്കയുണര്ത്തുന്നതിനാല് ഗര്ഭിണികളും പ്രായമായവരും ജാഗ്രത പുലര്ത്തണമെന്ന് ആരോഗ്യവകുപ്പ് നിര്ദേശം നല്കി. ഒരു ഇടവേളയ്ക്ക് ശേഷമാണ് സംസ്ഥാനത്ത് കൊവിഡ് കേസുകള് ഉയര്ന്നത്. കൊവിഡ് പരിശോധന ഏറ്റവും കൂടുതല് നടക്കുന്നതും കേരളത്തിലാണ്. സംസ്ഥാനത്ത് ഇന്നലെ ഒരാള് കൊവിഡ് ബാധിച്ച് മരിച്ചിരുന്നു. കോഴിക്കോട് കുന്നുമല് വട്ടോളിയില് കളിയാട്ടുപറമ്പത്ത് കുമാരന് (77) ആണ് മരിച്ചത്. ആരോഗ്യപ്രശ്നങ്ങളെ തുടര്ന്ന് കോഴിക്കോട് മെഡിക്കല് കോളേജ് ആശുപത്രിയില് ചികിത്സയില് ആയിരുന്നു. മരണശേഷം നടത്തിയ പരിശോധനയിലാണ് കൊവിഡ് സ്ഥിരീകരിച്ചത്.
Comments
Post a Comment