100 രൂപയ്ക്ക് താമസിക്കാം, ഒരേസമയം 120 പേർക്ക് താമസ സൗകര്യം; കോഴിക്കോട് സ്ത്രീകൾക്കായി ഷീ ലോഡ്ജ്
100 രൂപയ്ക്ക് താമസിക്കാം, ഒരേസമയം 120 പേർക്ക് താമസ സൗകര്യം; കോഴിക്കോട് സ്ത്രീകൾക്കായി ഷീ ലോഡ്ജ്
കോഴിക്കോട്: കോഴിക്കോട് കോർപ്പറേഷന്‍റെ ഷീ ലോഡ്ജ് പ്രവർത്തനം തുടങ്ങി. ഡോർമെറ്ററി കൂടാതെ എസി, നോൺ എസി മുറികളും ഒരുക്കിയിട്ടുണ്ട്. ഒരേ സമയം 120 പേർക്ക് ഇവിടെ താമസിക്കാം. കുടുംബശ്രീ യൂണിറ്റിനാണ് നടത്തിപ്പ് ചുമതല. പൊതുമരാമത്ത് വകുപ്പ് മന്ത്രി മുഹമ്മദ് റിയാസ് ഷീ ലോഡ്ജ് ഉദ്ഘാടനം ചെയ്തു.
100 രൂപ മുതൽ 2250 വരെയാണ് റൂം നിരക്ക്. 100 രൂപയ്ക്ക് ഡോർമറ്ററിയിലാണ് താമസിക്കാൻ കഴിയുക. ഭക്ഷണം കഴിക്കാൻ കാന്‍റീന്‍ സൗകര്യവുമുണ്ട്. കെയർ ടേക്കർ, റിസപ്ഷനിസ്റ്റ് തുടങ്ങിയ ജീവനക്കാർ ഇവിടെയുണ്ട്.
ഓണ്‍ലൈനായി മുറി ബുക്ക് ചെയ്യാം. ഒന്നിച്ചോ ഒറ്റയ്ക്കോ കോഴിക്കോടെത്തുന്ന സ്ത്രീകള്‍ക്ക് സുരക്ഷിതമായും സൗകര്യ പ്രദമായും ഇവിടെ താമസിക്കാം.
Comments
Post a Comment