പൊലീസ് സ്റ്റേഷനില് പോകാതെ ഞൊടിയിടയില് പരാതി നല്കാം; ചെയ്യേണ്ടത് ഇത്രമാത്രം
പൊലീസ് സ്റ്റേഷനില് പോകാതെ ഞൊടിയിടയില് പരാതി നല്കാം; ചെയ്യേണ്ടത് ഇത്രമാത്രം
കേരള പൊലീസിന്റെ ഔദ്യോഗിക ആപ്പായ പോല് ആപ്പ് വഴിയോ തുണ വെബ് പോര്ട്ടല് വഴിയോ സ്റ്റേഷനില് പോകാതെ തന്നെ പരാതി നല്കാം.
പോല് ആപ്പ് ഇന്സ്റ്റാള് ചെയ്യുക. ശേഷം മൊബൈല് നമ്പര് ഉപയോഗിച്ച് രജിസ്റ്റര് ചെയ്ത ശേഷം വേണം പരാതി നല്കേണ്ടതെന്ന് കേരള പൊലീസ് ഫെയ്സ്ബുക്കില് കുറിച്ചു.
പരാതിക്കാരന്റെ പേര്, വയസ്, മൊബൈല് നമ്പര്, ആധാര് നമ്പര്, പൂര്ണ മേല്വിലാസം എന്നിവ ആദ്യ ഘട്ടത്തില് നല്കണം.
തുടര്ന്ന് പരാതിക്ക് ആധാരമായ സംഭവം നടന്ന സ്ഥലം, തീയതി, പരാതിയുടെ ലഘു വിവരണം എന്നിവ രേഖപ്പെടുത്തിയ ശേഷം പൊലീസ് സ്റ്റേഷന് പരിധി, ഏത് ഓഫീസിലേക്കാണോ പരാതി അയക്കുന്നത് എന്നിവ സെലക്ട് ചെയ്ത് അനുബന്ധ രേഖകള് നൽകാനുണ്ടെങ്കിൽ അതും അപ്ലോഡ് ചെയ്യാം.
ആര്ക്ക് എതിരെയാണോ പരാതി നല്കുന്നത് (എതിര് കക്ഷി അല്ലെങ്കില് സംശയിക്കുന്ന ആളുടെ) വിവരങ്ങള് കൂടി നല്കി പരാതി സബ്മിറ്റ് ചെയ്യാം. പൊലീസ് സ്റ്റേഷന് മുതല് ഡി ജി പി ഓഫീസിലേക്ക് വരെ പരാതി നല്കുവാന് ഈ സംവിധാനത്തിലൂടെ സാധിക്കും.
പരാതി നല്കിയതിനുള്ള രസീത് പരാതിക്കാരന് ഡൗണ്ലോഡ് ചെയ്ത് പ്രിന്റ് എടുക്കാം. സമര്പ്പിച്ച പരാതിയുടെ നിലയും സ്വീകരിച്ച നടപടികളും പരിശോധിക്കാനും ഇതിലൂടെ കഴിയും എന്നും കുറിപ്പിൽ കേരള പൊലീസ് പറയുന്നു.
──
Comments
Post a Comment