നടുവിലെ കോൺഗ്രസ്‌ നേതൃത്വം ജോൺ ബ്രിട്ടാസ് എം.പി ക്ക് കുട പിടിക്കുന്നു; യൂത്ത് കോൺഗ്രസ്‌ നടുവിൽ മണ്ഡലം സമ്മേളനത്തിൽ വിമർശനം

നടുവിലെ കോൺഗ്രസ്‌ നേതൃത്വം ജോൺ ബ്രിട്ടാസ് എം.പി ക്ക് കുട പിടിക്കുന്നു; യൂത്ത് കോൺഗ്രസ്‌ നടുവിൽ മണ്ഡലം സമ്മേളനത്തിൽ വിമർശനം

നടുവിൽ : മലയോര മേഖലയിൽ ജോൺ ബ്രിട്ടാസ് എം.പി ക്ക് അമിത പ്രാധാന്യം നൽകി മുന്നോട്ടു പോകുന്ന പ്രാദേശിക കോൺഗ്രസ്‌ നേതൃത്വത്തിനും, UDF ഭരിക്കുന്ന നടുവിൽ പഞ്ചായത്തിനും എതിരെ യൂത്ത് കോൺഗ്രസ്‌ നടുവിൽ മണ്ഡലം സമ്മേളനത്തിൽ പ്രമേയം. കോൺഗ്രസിന്റെ ശക്തികേന്ദ്രമായ നടുവിൽ പഞ്ചായത്തിൽ ജോൺ ബ്രിട്ടാസ് എം.പി യെ ക്രൈസ്തവ മുഖമായി അവതരിപ്പിച്ചു കൊണ്ട് സിപിഎം അവരുടെ രാഷ്ട്രീയ അജണ്ടകൾ നടുവിൽ പഞ്ചായത്തിനെ ഉപയോഗപ്പെടുത്തി നടപ്പിലാക്കാൻ ശ്രമിക്കുകയാണെന്ന് യൂത്ത് കോൺഗ്രസ്‌ ചൂണ്ടിക്കാട്ടി. നടുവിൽ പഞ്ചായത്തിലെ ഈ സാഹചര്യങ്ങൾ തുറന്നുകാട്ടാനും, തിരുത്താനും പാർട്ടി നേതൃത്വം ഇടപെടലുകൾ നടത്തിയില്ലെങ്കിൽ ഇരിക്കൂർ നിയോജക മണ്ഡലത്തിൽ അടക്കം പാർട്ടിക്ക് വലിയ തിരിച്ചടി ഉണ്ടാകുമെന്നും പ്രമേയത്തിലൂടെ യൂത്ത് കോൺഗ്രസ്‌ ഓർമിപ്പിച്ചു. ജോൺ ബ്രിട്ടാസ് എം. പിയെ സെലിബ്രിറ്റി എം.പി എന്നാണ് പ്രമേയത്തിൽ വിശേഷിപ്പിച്ചത്. യൂത്ത് കോൺഗ്രസ്‌ നടുവിൽ മണ്ഡലം അധ്യക്ഷൻ വി.എം നന്ദകിഷോർ പ്രമേയം അവതരിപ്പിച്ചു.

നടുവിൽ മണ്ഡലം പ്രതിനിധി സമ്മേളനം യൂത്ത് കോൺഗ്രസ്‌ സംസ്ഥാന ഉപാധ്യക്ഷൻ റിജിൽ മാക്കുറ്റി ഉദ്ഘാടനം ചെയ്തു. കെ പി സി സി മെമ്പർ അബ്ദുൽ റഷീദ് വി. പി മുഖ്യപ്രഭാഷണം നടത്തി. സമാപന സമ്മേളനം ഡി സി സി ജനറൽ സെക്രട്ടറി ബിജു പുളിയൻതൊട്ടി ഉദ്ഘാടനം ചെയ്തു. മണ്ഡലം അധ്യക്ഷൻ വിഎം നന്ദകിഷോർ അധ്യക്ഷനായിരുന്നു. യൂത്ത് കോൺഗ്രസ്‌ ജില്ലാ പ്രസിഡന്റിന്റെ ചാർജ് വഹിക്കുന്ന രാഹുൽ വെച്ചിയോട്ട്, ജില്ലാ ഉപാധ്യക്ഷൻ ദിലീപ് മാത്യു, നിയോജക മണ്ഡലം അധ്യക്ഷൻ കെ.പി ലിജേഷ്, ബ്ലോക്ക്‌ പഞ്ചായത്ത്‌ അംഗം ജോഷി കണ്ടത്തിൽ, ജില്ലാ സെക്രട്ടറിമാരായ വിജിൽ മോഹനൻ, ഷോബിൻ തോമസ്, വി. വി ലിഷ, സംസ്ഥാന നിർവാഹക സമിതി അംഗം ജസ്റ്റിസൺ ചാണ്ടിക്കൊല്ലി, ജില്ലാ നിർവാഹക സമിതി അംഗം ജോബിൻ ജോസ്, സിജോ കണ്ണേഴത്ത്, അഖിൽ ജോസഫ്, ശില്പ ഫ്രാൻസിസ്, ജമീൽ കെപി തുടങ്ങിയവർ വിവിധ സെഷനുകളിൽ സംസാരിച്ചു. പുതിയകാലത്തെ രാഷ്ട്രീയം എന്ന വിഷയത്തിൽ ലൈഫ് സ്കിൽ ട്രൈനെർ സജീവ് ഒതയോത്ത് സംവദിച്ചു. നടുവിൽ മണ്ഡലത്തിലെ മണ്ഡലം, ബ്ലോക്ക്‌, ജില്ലാ, യൂണിറ്റ് ഭാരവാഹികൾ സമ്മേളനത്തിൽ പ്രതിനിധികളായി പങ്കെടുത്തു.

#chemperi_news

#chemperi_today #NJK_voice 

#chemperi_media #voice_of_chemperi