രണ്ട് വര്‍ഷമായി ഉപയോഗിക്കാത്ത ജി-മെയ്ല്‍ നീക്കം ചെയ്യാനൊരുങ്ങി ഗൂഗിള്‍
ജി-മെയ്ല്‍ ഉള്‍പ്പെടെ രണ്ട് വര്‍ഷമായി ഉപയോഗിക്കാത്ത എല്ലാ പേഴ്‌സണല്‍ അക്കൗണ്ടുകളും അവയിലെ കണ്ടന്റും ഗൂഗിള്‍ നീക്കം ചെയ്യും.
ജി-മെയ്ല്‍, ഗൂഗിള്‍ ഡ്രൈവ്, ഗൂഗിള്‍ മീറ്റ്, ഗൂഗിള്‍ കലണ്ടര്‍, ഗൂഗിള്‍ ഫോട്ടോസ്, ഗൂഗിള്‍ ഡോക്യുമെന്റ്‌സ് (GoogleDocs) യുട്യൂബ് എന്നിവയിലെ സജീവമല്ലാത്ത കണ്ടന്റുകളും അക്കൗണ്ടുകളുമാണ് ഗൂഗിള്‍ നീക്കം ചെയ്യാനൊരുങ്ങുന്നത്. ഡിലീറ്റ് ചെയ്യപ്പെടുന്ന ജി-മെയ്ല്‍ അഡ്രസ്സുകള്‍ പുനരുപയോഗത്തിന് ലഭ്യമാകില്ല.
രണ്ട് വര്‍ഷമായി സജീവമല്ലാത്ത അക്കൗണ്ടുകളില്‍ സ്റ്റോര്‍ ചെയ്തു വച്ചിരിക്കുന്ന ഡാറ്റ മായ്ക്കപ്പെടുമെന്ന ഒരു നയം മുമ്ബ് ഗൂഗിളിന് ഉണ്ടായിരുന്നു. എന്നാല്‍ ഇപ്പോള്‍ അവ പൂര്‍ണ്ണമായും ഇല്ലാതാക്കാന്‍ (delete) പോവുകയാണ് ഗൂഗിള്‍.
പുതിയ നയം ഈ വര്‍ഷം ഡിസംബര്‍ വരെ നടപ്പിലാക്കില്ല. അതിനാല്‍ രണ്ട് വര്‍ഷമായി ആക്ടീവല്ലാത്ത യൂസര്‍മാര്‍ക്ക് അവരുടെ പഴയ അക്കൗണ്ടുകള്‍ വീണ്ടെടുക്കാന്‍ (retrieve) ഇനിയും സമയമുണ്ട്.
ട്വിറ്ററും സമാനമായ പ്രസ്താവനയുമായി കഴിഞ്ഞയാഴ്ച രംഗത്തുവന്നിരുന്നു. വര്‍ഷങ്ങളായി സജീവമല്ലാത്ത അക്കൗണ്ടുകള്‍ നീക്കം ചെയ്യുമെന്ന് ട്വിറ്റര്‍ സിഇഒ ഇലോണ്‍ മസ്‌ക് കഴിഞ്ഞയാഴ്ച ട്വീറ്റിലൂടെ അറിയിച്ചിരുന്നു.
Comments
Post a Comment