മോൺ.മാത്യു.എം. ചാലിൽ അച്ചന്റെ 41ആം ചരമ ദിനത്തോടനുബന്ധിച്ച് ചെമ്പേരി ലൂർദ് മാതാ പള്ളിയിൽ തലശ്ശേരി അതിരൂപത മെത്രാപ്പോലീത്ത മാർ ജോസഫ് പാമ്പ്ലാനി പിതാവിന്റെ നേതൃത്വത്തിൽ ബലിയർപ്പണവും സെമിത്തേരിയിൽ ഒപ്പീസും നടന്നു.

മോൺ.മാത്യു.എം. ചാലിൽ അച്ചന്റെ 41ആം ചരമ ദിനത്തോടനുബന്ധിച്ച് ചെമ്പേരി ലൂർദ് മാതാ പള്ളിയിൽ തലശ്ശേരി അതിരൂപത മെത്രാപ്പോലീത്ത മാർ ജോസഫ് പാമ്പ്ലാനി പിതാവിന്റെ നേതൃത്വത്തിൽ ബലിയർപ്പണവും സെമിത്തേരിയിൽ ഒപ്പീസും നടന്നു.

 ബലിയർപ്പണത്തിന് ശേഷം നടന്ന അനുസ്മരണ യോഗത്തിൽ മോൺ.മാത്യു എം ചാലിലിന്റെ ജീവിതത്തെ ആസ്പദമാക്കി ഡോ. സെബാസ്റ്റ്യൻ ഐക്കര രചിച്ച "ചാലിൽ അച്ചൻ മലബാറിന്റെ കർമ്മയോഗി" എന്ന ആത്മകഥയുടെ പ്രകാശനം അഭിവന്ദ്യ പാമ്പ്ലാനി പിതാവ് ആദ്യ കോപ്പി അനാച്ഛാദനം ചെയ്ത് റവ. ഫാ.ജേക്കബ് കുറ്റിക്കാട്ടുകുന്നേൽ അച്ഛന് കൈമാറിക്കൊണ്ട് നിർവഹിച്ചു. പ്രസ്തുത ബുക്കിന്റെ പ്രസാധകരും ബിഷപ്പ് വള്ളോപ്പള്ളി ഫൗണ്ടേഷൻ മെമ്പർമാരുമായ മാത്യു കണ്ടത്തിൽ, സണ്ണി ആശാരിപ്പറമ്പിൽ, ഡി.പി ജോസ്, ബഹുമാനപ്പെട്ട റവ.ജോസ് കീലത്ത്, ഫാ. സുശീൽ കിഴക്കേകുന്നേൽ, റവ ഫാ.ബിനോയി ശാസ്താംപടവിൽ, റവ. ഫാ. ജോൺ എടക്കര, ചെമ്പേരി ലൂർദ് മാതാ പള്ളി വികാരി റവ.ഡോ ജോർജ് കാഞ്ഞിരക്കാട്ട്, ബഹു ചാലിൽ അച്ഛന്റെ സഹോദരങ്ങൾ എന്നിവരുടെ സാന്നിധ്യത്തിലാണ് അദ്ദേഹത്തിന്റെ ആത്മകഥയുടെ പ്രകാശനം നിർവഹിക്കപ്പെട്ടത്.

 തുടർന്ന് ചാലിൽ അച്ഛൻ സഭയ്ക്കും, സമൂഹത്തിനും, മലയോരമേഖലയ്ക്കും വേണ്ടി നടത്തിയ വികസനോൻമുഖമായ പ്രവർത്തനങ്ങളുടെയും സേവനത്തിന്റെയും വിവരങ്ങൾ ഉൾക്കൊള്ളിച്ചു കൊണ്ട് എക്കാലത്തേക്കും നിലനിൽക്കത്തക്കവിധത്തിൽ തയ്യാറാക്കപ്പെട്ട ഡിജിറ്റൽ സ്മാരകമായ https://www.msgrmathewmchalil.com എന്ന വെബ്സൈറ്റിന്റെ ഔദ്യോഗികമായ സ്വിച്ച് ഓൺ കർമം QR കോഡ് സ്കാൻ ചെയ്ത് കൊണ്ട് മാർ ജോസഫ് പാമ്പ്ലാനി പിതാവ് നടത്തി. ചാലിൽ അച്ഛന്റെ കല്ലറയുടെ മുകളിൽ പതിച്ചിരിക്കുന്ന QR കോഡ് സെർച്ച് ചെയ്തു പ്രസ്തുത പേജിലേക്ക് ഏവർക്കും എത്തിച്ചേരാൻ സാധിക്കും വിധത്തിലാണ് ഈ പേജ് രൂപകൽപ്പന ചെയ്യപ്പെട്ടിരിക്കുന്നത്. ഈ സംവിധാനം ഒരുക്കിയ "Links Digital Archives" ന്റെ സാരഥി അനീഷ് മാർട്ടിൻ ജോസഫ് ഉൾപ്പെടെയുള്ള ആളുകളുടെ സാന്നിധ്യവും ചടങ്ങിൽ ഉണ്ടായിരുന്നു.

 തുടർന്ന് ചാലിൽ അച്ഛന്റെ ഭവനത്തിൽ പ്രാർത്ഥനയും വെഞ്ചിരിപ്പും സ്നേഹവിരുന്നും ഉണ്ടായിരുന്നു. തലശ്ശേരി അതിരൂപത പ്രതിനിധികൾ, കുടുംബാംഗങ്ങൾ ചാലിൽ അച്ഛന്റെ സുഹൃത്തുക്കൾ വിവിധ സാമൂഹിക സാംസ്കാരിക രാഷ്ട്രീയ രംഗത്തെ മഹനീയ വ്യക്തിത്വങ്ങൾ തുടങ്ങി നൂറുകണക്കിന് ആളുകൾ അനുസ്മരണ യോഗത്തിൽ പങ്കെടുത്തു...