അയർലൻഡിലെ ജീവകാരുണ്യ രംഗത്ത് മാതൃകയായ ചെമ്പേരി സ്വദേശിനിയെ ലയൻസ് ക്ലബ് ആദരിച്ചു

അയർലൻഡിലെ ജീവകാരുണ്യ രംഗത്ത് മാതൃകയായ ചെമ്പേരി സ്വദേശിനിയെ ലയൻസ് ക്ലബ് ആദരിച്ചു

അയർലൻഡിൽ നേഴ്‌സായി ജോലി ചെയ്തുകൊണ്ട് ജീവകാരുണ്യപ്രവർത്തനങ്ങളിൽ സജീവമായി ഇടപെട്ട് ഒത്തിരിയേറെ പാവങ്ങൾക്ക് താങ്ങും തണലുമായ ചെമ്പേരി സ്വദേശിനി ബിജി തോമസ് കൊട്ടാരത്തിലിനെ ചെമ്പേരി ലയൻസ് ക്ലബ്‌ ആദരിച്ചു.

ചെമ്പേരി ലയൻസ്ക്ലബ് ഓഫീസിൽ വെച്ച് നടന്ന ചടങ്ങിൽ ലയൻസ്ക്ലബ് പ്രസിഡന്റ്‌ സിജു കൊട്ടാരം ബിജി തോമസിനെ പൊന്നാട അണിയിക്കുകയും മൊമെന്റോ കൈമാറുകയും ചെയ്തു.

സെക്രട്ടറി മൈകൾ ചാക്കോയും ട്രഷറെർ ജോയിച്ചൻ മണിമലയും നേതൃത്വം നൽകി. റീജിയൻ ചെയർപേഴ്സൺ ജോസഫ് കുര്യൻ അഡിഷണൽ ക്യാബിനറ്റ് സെക്രട്ടറി ചാക്കോ സി ജോസഫ് എന്നിവർ ആശംസകൾ അറിയിച്ചു.

ജോഷി കുന്നത്ത് സ്വാഗതം പറഞ്ഞ ചടങ്ങിൽ അഡ്വ സജി സക്കറിയാസ് തോമസ് പൂവേലിൽ മധു തൊട്ടിയിൽ എന്നിവർ സംസാരിച്ചു. ബിജി തോമസ് മറുപടി പ്രസംഗം നടത്തുകയും ബിനോയ്‌ തോമസ് നന്ദി പ്രസംഗം പറയുകയും ചെയ്തു.