കെട്ടിട നിര്‍മാണ ഫീസ് ഇന്ന് മുതല്‍ കൂടും

കെട്ടിട നിര്‍മാണ ഫീസ് ഇന്ന് മുതല്‍ കൂടും

തിരുവനന്തപുരം: സംസ്ഥാനത്ത് ഇന്ന് മുതല്‍ വീടു നിര്‍മാണത്തിന് ചെലവേറും. കെട്ടിട നിര്‍മാണ അപേക്ഷാ ഫീസ്, പെര്‍മിറ്റ് ഫീസ്, വന്‍കിട കെട്ടിടങ്ങള്‍ക്കുള്ള ലേ ഔട്ട് അംഗീകാരത്തിനുള്ള സ്‌ക്രൂട്ടിനി ഫീസ് എന്നിവയില്‍ കുത്തനെ വരുത്തിയ വര്‍ധന ഇന്ന് നിലവില്‍ വരും. അപേക്ഷാ ഫീസ് 30 രൂപയില്‍ നിന്ന് പത്തിരട്ടി കൂട്ടി മിനിമം 300 രൂപയാക്കി. ഇത് കൂടാതെ പഞ്ചായത്ത്, മുനിസിപ്പാലിറ്റി, കോര്‍പറേഷന്‍ എന്നിങ്ങനെ സ്ലാബ് അടിസ്ഥാനത്തില്‍ 1000- 5000 രൂപയും കൂട്ടി.

പെര്‍മിറ്റ് ഫീസിലാണ് ഏറ്റവും വർധനവ്. പഞ്ചായത്തുകളില്‍ ചെറിയ വീടുകള്‍ക്ക് 525 രൂപയില്‍ നിന്ന് 7500 രൂപയായും വലിയ വീടുകള്‍ക്ക് 1750 രൂപയില്‍ നിന്ന് 25,000 രൂപയായും കൂട്ടി. നഗര മേഖലയില്‍ ചെറിയ വീടുകള്‍ക്ക് 750 രൂപയില്‍ നിന്ന് 15,000 രൂപയായും വലിയ വീടുകള്‍ക്ക് 2500 രൂപയില്‍ നിന്ന് 37,500 രൂപയായും കൂട്ടി. കെട്ടിട നിര്‍മാണ ചട്ടങ്ങളില്‍ ഇത് സംബന്ധിച്ച ഭേദഗതി പിന്നീട് വരുത്തുമെന്ന് സര്‍ക്കാര്‍ അറിയിച്ചിട്ടുണ്ട്.