കൊച്ചി റീജ്യണൽ പാസ്പോർട്ട് ഓഫീസിൽ നിന്നുള്ള അറിയിപ്പ്

2024 ജനുവരി 22-ന് എല്ലാ കേന്ദ്ര ഗവൺമെന്റ് ഓഫീസുകളും ,കേന്ദ്ര സ്ഥാപനങ്ങളും ,കേന്ദ്ര വ്യവസായ സ്ഥാപനങ്ങളും അർദ്ധദിന അടച്ചിടൽ (ഉച്ചയ്ക്ക് 2.30 വരെ) ആചരിക്കാനുള്ള ഇന്ത്യൻ സർക്കാരിന്റെ തീരുമാനം കണക്കിലെടുത്ത്, റീജിയണൽ പാസ്‌പോർട്ട് ഓഫീസ്, പാസ്‌പോർട്ട് സേവാ കേന്ദ്രങ്ങൾ, പോസ്റ്റ് ഓഫീസ് പാസ്‌പോർട്ട് സേവ കേന്ദ്രം എന്നീ കൊച്ചിൻ ആർ‌.പി‌.ഒ.യുടെ അധികാരപരിധിയിലുള്ള കേന്ദ്രങ്ങൾ ഉച്ചയ്ക്ക് 2.30 വരെ പകുതി ദിവസം അടച്ചിടുന്നതാണ്.

അതനുസരിച്ച് 2024 ജനുവരി 22 ന് കൊച്ചി ആർ‌.പി‌.ഒ.യുടെ അധികാരപരിധിയിലുള്ള പി‌.എസ്‌.കെ.കളിലും പി‌.ഒ‌.പി‌.എസ്‌.കെ.കളിലും പാസ്‌പോർട്ട് , പോലീസ് ക്ലിയറൻസ് സർട്ടിഫിക്കറ്റ് എന്നിവയുമായി ബന്ധപ്പെട്ട് 2.30 വരെ അപ്പോയിന്റ്‌മെന്റ് ഷെഡ്യൂൾ ചെയ്തിട്ടുള്ള അപേക്ഷകർ അവരുടെ അപ്പോയിന്റ്‌മെന്റുകൾ മറ്റൊരു സൗകര്യപ്രദമായ തീയതിയിലേക്ക് പുനഃക്രമീകരിക്കേണ്ടതാണ്. അതിനായി അപേക്ഷകർക്ക് ഓപ്ഷൻ നൽകുന്നതാണ്.

2024 ജനുവരി 22-ന് ഉച്ചയ്ക്ക് 2.30 മുതൽ അപ്പോയിന്റ്‌മെന്റുകളുള്ള അപേക്ഷകർക്ക് അതേ ദിവസം തന്നെ ഷെഡ്യൂൾ ചെയ്ത സമയ സ്ലോട്ടിൽ ബന്ധപ്പെട്ട PSK/POPSK സന്ദർശിക്കാവുന്നതാണ്.